Braktisja e takimit të 13 të MSA, Kukan: Nuk ishte strategji e mirë
"Luftoni krimin, zgjidhni ngërçin në drejtësi"
Raportuesi
në hije për Shqipërinë, Eduard Kukan, shprehet se braktisja e takimit të 13 të MSA- së në Bruksel nga opozita nuk ishte një strategji e mirë, edhe pse opozita ka evidentuar akuza shumë serioze lidhur me Taulant Ballën dhe se vazhdon të marrë informacione me ato, që ajo i quan si "aktivitete kriminale" të Taulant Ballës. Sado serioze të jenë gjërat, unë mendoj se kjo çështje duhet zgjidhur në Shqipëri, në Kuvendin e Shqipërisë dhe jo të tentohet të zgjidhet në Parlamentin Europian. Në këtë kuptim, vendimi i tyre nuk ishte i drejtë. Më pas, deputetët e opozitës nuk morën pjesë më në takim. Gjithsesi, ishte pozitive që takimi u zhvillua dhe mundëm të shpreheshim. Edhe ne aprovuam një dek- laratë të përbashkët. Disa amendamente u aprovuan, disa u hodhën poshtë. Do mbetet në histori që në takimin e 13 të komitetit të MSA- së u aprovua një deklaratë e përbashkët e ekuilibruar. Këshilla ime për deputetët e PD- së është kjo: Nëse ata do të kishin qëndruar, do të mund t'i kishin përsëritur akuzat shumë herë. Ata e bënë këtë vetëm një herë dhe pastaj ikën. Nuk mendoj se ishte një strategji e mirë", - tha z. Kukan. Në një intervistë për "ABC News" eurodeputeti Kukan foli edhe për reformat integruese. "Reforma e drejtësisë dhe procesi i vetingut është një reformë shumë e vështirë. Ne e kuptojmë shumë mirë që është e komplikuar. Por ia vlen vërtet që të merren të gjitha masat për zbatimin e saj. Problemet e tjera, të cilat janë pasqyruar në rezolutë lidhur me krimin e organizuar, korrupsionin, pastrimin e parave dhe kultivimin e kanabisit janë një mesazh i qartë për lidershipin politik dhe për qeverinë, që ne i njohim problemet, i kemi shënuar ato dhe nëse nuk do ketë progres pasi i kemi artikuluar disa herë këto çështje, atëherë ky do bëhet problem edhe më i madh", u shpreh z. Kukan.