Amortizimi, peshkarexha 60 ton fundoset në kalatën lindore të portit të Durrësit
"Të ngrihet një kantier për riparimin e mjeteve tona lundruese" Peshkatarët: Situata alarmante, 50 për qind e flotës së peshkimit është në rrezik mbytjeje
Një anije peshkimi 20 m e gjatë me tonazh 60 ton është mbytur mëngjesin e djeshëm në portin e Durrësit. Bëhet fjalë për peshkarexhën
"Klodi" me pronar Adem Pojana, e cila u fundos në kalatën lindore vetëm pak minuta pasi ishte sjellë aty nga deti ku kishte pësuar defekt. Burimet zyrtare nga Kapiteneria e Portit të Durrësit bënë me dije për "Gazeta Shqiptare" se pronari i anijes kishte kërkuar ndihmën e rimorkiatorit për ta ankoruar në breg peshkarexhën, pasi kishte pësuar defekt. Mësohet se anija e peshkimit është ankoruar në kalatën lindore aty ku ndodhej ish- kantieri i riparimit të anijeve, por ajo është fundosur, pasi kishte futur shumë ujë në ambientet e brendshme të saj. Taulant Allka, kapiten i portit të Durrësit tha se kapiteni i anijes po punon dhe ka kontraktuar vinçat për të nxjerrë anijen e për të bërë riparimin e saj. Në portin më të madh të vendit, problemi me i madh i të gjithë industrisë se peshkimit është mungesa e një kantieri detar për riparimin e anijeve të peshkimit. Ish- kantieri ku ndërto- heshin dhe riparoheshin anijet u privatizua nga një kompani private, e cila në mënyrë arbitrare shkatërroi kantierin duke e çuar për shkrirje në metalurgjikun e Elbasanit. Në mungesë të kantierit për riparimin e anijeve, armatorët durrsakë janë të detyruar të riparojnë mjetet e tyre lundruese jashtë vendit, ku kostoja është disa herë më e lartë. Të ndodhur në një situatë të tillë, peshkatarët e Durrësit kërkojnë ndërtimin e një kantieri detar për riparimin e anijeve të tyre. Ata thonë se 50 për qind e flotës së peshkimit është në rrezik mbytje, pasi anijet janë amortizuar plotësisht nga mungesa e riparimeve. "Shumë investitorë të huaj janë ofruar në port për të ngritur një kan- tier, i cili është biznes i sigurt dhe fitimprurës, por deri tani autoritetet shtetërore nuk u kanë dhënë atyre hapësirat e nevojshme në këtë fushë. Flota është drejt rrënimit total, në situatën ku gjendet 10 vitet e fundit. Edhe një muaj më parë, një anije peshkimi e Durrësit u mbyt në grykëderdhjen e Semanit për shkak të amortizimit",- u shprehën peshkatarët e Durrësit. Peshkatarët e Durrësit dje u shprehën për "Gazeta Shqiptare" se shumë investitorë të huaj janë ofruar në port për të ngritur një kantier, i cili është biznes i sigurt dhe fitimprurës, por deri tani autoritetet shtetërore nuk u kanë dhënë atyre hapësirat e nevojshme në këtë fushë. "Ata dhanë alarmin duke thënë se flota është drejt rrënimit total, në situatën ku gjendet 10 vitet e fundit".