Përplasje në qeveri, dorëhiqet ministri i Jashtëm i Greqisë
Integrimi në NATO, nisin sot formalisht bisedimet me Maqedoninë Tsipras merr vetë edhe postin e ministrit Kotzias
Edhe pse nuk është miratuar përfundi misht marrëveshja e Prespës, zhvillime të papritura po ndodhin në palën greke. Pikërisht ditën e djeshme, ministri i Jashtëm i Greqisë, Nikos Kotzias ka dhënë dorëheqjen nga posti i tij. Lajmi është bërë i ditur nga mediat greke ku sipas raportimeve paraprake, motivi mendohet të ketë lidhje me pakënaqësi brenda koalicionit qeverisës. Burimet e së përditshmes greke "Kathimerini" flasin për një përplasje mes Kotzias dhe ministrit të Mbrojtjes, Panos Kamenos që kanë ndodhur ditën e martë në mbledhjen e qeverisë. Sipas kolegëve të ministrit të Jashtëm që kanë folur në kushte anonimati për "Kathimerini", "Kotzias ka qenë tmerrësisht i prekur nga sulmet e Panos Kamenos, që e akuzon për keqmenaxhim të fondeve të Ministrisë së Jashtme, e cilëson njeri të Soros dhe për sulme të tjera me karakter të ngjashëm". Debati mes tyre nisi fillimisht për marrëveshjen e Prespës, që ka të bëjë me ndryshimin e emrit të Maqedonisë. Në mbledhjen që u zhvillua ditën e martë të kabinetit qeveritar të Greqisë, ministri Kotzias i kërkoi kryeministrit Tsipras që të mbikëqyrë fondet sekrete të Ministrisë së Mbrojtjes dhe të ministrive të tjera. Sipas "Kathimerini", Kotzias kërkoi nga Tsipras gjithashtu që të zbatojë të njëjtin ligj për të gjitha ministritë që kanë në bux- "Kush është i mërzitur, le të zbresë nga ' treni' i qeverisë. Ne kemi destinacion dhe drejtim të qartë. Kush nuk dëshiron destinacionin, të zbresë nga treni i qeverisë", ka thënë zëdhënësi i qeverisë greke. hetin e tyre një "fond sekret", ligj që aktualisht aplikohet vetëm për Ministrinë e Jashtme. Një nga ministritë që kanë "fonde sekrete" është Departamenti i Mbrojtjes. Në propozimin që Kotzias bëri të martën në mbledhjen e qeverisë, pati fyerje joetike mes ministrave Kamenos- Kotzias, raporton shtypi grek. Për shkak të përplasjeve që ndodhën në mbledhjen e kabinetit qeveritar, ministri Kotzias dha dje dorëheqjen dhe sipas mediave të Athinës, ai është i zhgënjyer nga kryeministri Alexis Tsipras, që nuk e mbrojti nga sulmet e ministrit Kamenos. Ky i fundit është kreu i partisë aleate në koalicionin qeverisës. Këtë pretendim të tij e konfirmon qartë edhe zëdhënësi i qeverisë greke, që reagoi duke thënë se "kush është i mërzitur, le të zbresë nga treni i qeverisë. Ne kemi destinacion dhe drejtim të qartë. Kush nuk dëshiron destinacionin, të zbresë nga treni i qeverisë". Ndërkohë, kryeministri i Aleksis Tsipras ka pranuar dorëheqjen e Kotzias dhe ka marrë vetë edhe postin e ministrit të Jashtëm deri në mbylljen e marrëveshjes së Prespës, ku përfshihet çështja e emrit me Maqedoninë. Nga ana tjetër, NATO do të nisë sot formalisht bisedimet e anëtarësimit me Maqedoninë. Ky veprim vjen edhe pse referendumi i 30 shtatorit për ndryshimin e emrit të Maqedonisë, kusht i vënë nga Greqia për të mos e bllokuar rrugën e Shkupit drejt Aleancës, nuk e ka kaluar pragun prej 50% për të qenë i vlefshëm. Megjithatë, mbi 90% e atyre që kanë dalë në referendum kanë votuar për ndryshimin e emrit në Maqedoni e Veriut. Këtë marrëveshje, Maqedonia dhe Greqia e kanë arritur në qershor, në përpjekje për t'i dhënë fund kontestit 27vjeçar. Qysh në vitin 1991, kur Maqedonia ka shpallur pavarësinë, Greqia i ka shkaktuar bllokada diplomatike, duke thënë se me këtë emër, fqinji i saj mund të ketë pretendime territo- "Kotzias ka qenë tmerrësisht i prekur nga sulmet e Panos Kamenos, që e akuzon për keqmenaxhim të fondeve të Ministrisë së Jashtme, e cilëson njeri të Soros, dhe për sulme të tjera me karakter të ngjashëm". riale ndaj një territori grek, që po ashtu quhet Maqedoni. Megjithatë, NATO e bëri të qartë se marrëveshja për emrin duhet të ratifikohet edhe nga Athina, edhe nga Shkupi, në mënyrë që Maqedonia të bëhet anëtari i 30- të i Aleancës. Bisedimet e pranimit zakonisht zgjasin rreth tre muaj përpara se të nënshkruhet një protokoll i pranimit. Më pas protokolli duhet të ratifikohet nga të gjithë anëtarët e tjerë të NATO- s, proces ky që zgjat rreth një vit.