Kanadaja legalizon përdorimin e marijuanës rekreative

Që në 2001 që shitej kanabisi mjekësor, tashmë miratohet me ligj Fitim 400 mln USD, Trudeau mban premtimin

Ditën e djeshme Kan adaja u shndërrua në vendin e dytë në botë, pas Uruguait, që legalizon shitjen dhe përdorimin e kanabisit. Ligji ka hyrë në fuqi këtë të mërkurë, ndërsa marijuana mjekësore ka që në vitin 2001 që është në shitje. Megjithatë, vazhdojnë të mbeten ende shqetësime, duke përfshirë këtu mundësinë e forcave të policisë për të kapur ata që ngasin makinën nën efektin e kanabisit. Bashkitë kanadeze kanë muaj që përgatiten për t'i dhënë fund ndalimit të kanabisit. Ato janë përgjegjës për të vendosur se ku mund të blihet dhe konsumohet kanabisi. Legalizimi i kanabisit përmbush premtimin e fushatës së 2015- ës të kryeministrit kanadez, Justin Trudeau, liderit të partisë udhëheqëse, Partisë Liberale. Kryeministri është shprehur se ligji i mëparshëm që ndalon përdorimin e kanabisit nuk ka qenë efektiv, duke marrë parasysh që kanadezët janë ende ndër përdoruesit më të shumtë të kanabisit. Ai tha se ligji i ri është menduar për ta mbajtur drogën larg minorenëve dhe larg përfitimeve të kriminelëve. Qeveria parashikon gjithashtu se shitja e kanabisit do të sjellë afërsisht 400 milionë dollarë çdo vit në buxhetin e shtetit. Informacione rreth ligjeve të reja dhe fushatave të ndërgjegjësimit publik u janë dërguar rreth 15 milionë familjeve. Pavarësisht le- galizimit, ka ende shqetësime, përfshirë edhe gatishmërinë e forcave të policisë se si duhet t'i trajtojnë rastet e drejtimit të mjetit nën efektin e drogës. Disa çështje kyçe se si do të funksionojë shitja e kanabisit në Kanada mbeten pa përgjigje. Analistët parashikojnë mungesë të marijuanës rekreative në treg në vitin e parë të legalizimit, pasi prodhimi vazhdon të rritet për të përmbushur kërkesën. Provincat kanadeze dhe komunat po përgatiteshin prej muajsh për ligjin e ri, që i hapi rrugë përdorimit të marijuanës rekreative. Provincat janë përgjegjëse për përcaktimin e shumë detajeve, ku kanabisi mund të blihet dhe konsumohet brenda juridiksioneve të tyre. Uruguai është vendi i parë në botë që ka legalizuar kanabisin rekreativ, edhe pse Portugalia dhe Holanda e kanë dekriminalizuar këtë lloj droge. Kanabisi rekreativ është lloj droge që merret për qëllime të kënaqësisë personale dhe jo për qëllime mjekësore. Kanabisi rekreativ nxit efektet e kënaqësisë, haluçinacioneve, gjumin, oreksin, nuhatjen e shijen. Këto efekte zgjasin zakonisht për rreth 6 orë. Por, përdorimi i vazhdueshëm i kanabisit rekreativ shkakton varësi ndaj drogës, humbje të vigjilencës e dobësim të kujtesës. Ndërkaq, legalizimi i kanabisit është një çështje që ngrihet në shumë vende të botës, por shumë pak prej tyre e kanë kaluar këtë cak. Në Europë destinacioni i lirisë për përdorim, shitje, apo konsum në zona të kufizuara është Holanda. Ekspertët në botë, kur vihen para debateve të legalizimit të kanabisit, qoftë edhe për qëllime medicinale, mbi gjithçka theksojnë se duhen forcuar disa instrumente që lidhen me kontrollin e kultivimit, forcimin e shtetit ligjor si dhe injektimi i një mendësie të re në popullatë, që pavarësisht legalizimit, nuk duhet të promovohet. Kjo ndodh në çdo vend të zhvilluar që e ka legalizuar, por kur një çështje e tillë ngrihet në Shqipëri, pikëpyetjet janë të mëdha. Kjo më tepër lidhet me kushtet në të cilat ndodhet Shqipëria, pra mundësia e monitorimit, kapacitetet e institucioneve dhe mentaliteti. Nëse këto nuk janë aty ku duhet, kjo mund të kthehet në një bumerang kërcënues. Vende që e kanë të legalizuar që nga konsumimi te shitja, transporti apo prodhimi, ishin dy Uruguai dhe Koreja, ndërsa tashmë prej ditës së djeshme i shtohet dhe Kanadaja. Australia ka të njëjtën praktikë sa i përket prodhimit për qëllime mjekësore, por sa i përket konsumit, ka lënë një hapësirë të vogël. Çdo australian ka të drejtë të rrisë deri në dy bimë për konsum personal.