Sandër Lleshi në pikëpyetje? Dyshime për rolin e tij në 21 janar
Fatmir Xhafaj edhe të dielën në punë, PD: Po largojnë orenditë nga zyra Pollo- Lleshit: Çfarë këshille i dhe Ramës për drogën?
Ministri në detyrë Fatmir Xhafaj pa varësisht dorëheqjes edhe dje punoi në zyrën e tij. Ministri i Brendshëm i dorëhequr, Fatmir Xhafaj do të vazhdojë të qëndrojë edhe për disa ditë në detyrë. Të paktën deri ditën e enjte, kur është parashikuar që në parlament të votohet dekreti i shkarkimit. Kreu i shtetit e firmosi shkarkimin e Xhafajt vetëm pak orë pasi kryeministri Rama njoftoi se kishte pranuar dorëheqjen e ministrit të Brendshëm, por Meta nuk është shprehur ende për propozimin e shefit të qeverisë, këshilltarit të tij, Sandër Lleshi, për të marrë drejtimin e dikasterit të Rendit, më i sulmuari në kabinetin e Ramës. Presidenti ka 7 ditë kohë, në të cilën bën të gjitha verifikimet rreth propozimit, ndërsa burimet pranë tij thonë se lëvizja mund të jetë në fillim të javës. Seanca e parlamentit është të enjten, kur edhe do të votohet dekreti i shkarkimit të Fatmir Xhafajt si ministër i Brendshëm. E nëse Meta ka firmosur emërimin e ri, në seancë do të kalojë edhe dekreti i pasuesit të Xhafajt, gjeneralit Sandër Lleshi. Në këto 5 vite të qeverisjes së socialistëve, pas Tahirit dhe Xhafajt, Lleshi do të jetë ushtaraku i dytë që do të drejtojë këtë dikaster, pas Dritan Demirajt, që qëndroi në detyrë gjatë muajve të paktit Rama- Basha. Nga ana e saj PD përmes deputetit Klevis Balliu shprehet se çdo ministër bashkë me Ramën po largojnë orenditë e tyre nga zyrat shtetërore. Sipas Balliut "është në genetikën e PS rënia, humbja, dështimi, pasi e mira mbizotëron gjithmonë mbi të keqen". "Pse ra rilindja? Pas rënies së Ministrit të dytë të Brendshëm, qeveria praktikisht ka rënë. Tashmë është fakt se çdo ministër më në krye Edi Ramën sot po largojnë orenditë e tyre nga zyrat shtetërore, pasi janë të vetëdijshëm që koha e tyre mori fund.
Dhe tashmë do i duhet të përballen me drejtësinë. Por "Nëse kryeministri cerebral Rama ka përdorur gjuhë rrugësh me Xhafajn, dy janë rrugët: ose Edi Rama duhet të japë dorëheqjen sa më shpejt që të jetë e mundur; ose ministri Xhafaj duhet t'i drejtohet gjykatës apo dhe prokurorisë me padi ose civile, ose penale kundër kryeministrit të tij. Në fakt, padia në vetvete do të ishte një akt i madh historik kundër frymës së rrugës që ka 100- vjet që drejton shtetin dhe qeveritë shqiptare", tha z. Ngjela.
pse ra rilindja?
Rilindja ra për një fakt shumë të thjeshtë. Është në genetikën e PS rënia, humbja, dështimi, pasi e mira mbizotëron gjithmonë mbi të keqen", - shkruan deputeti i PD- së.
PIKËPYETJA
Kryeministri Edi Rama dorëzoi para dy ditëve në Presidencë dy dekrete, i pari për shkarkimin e Fatmir Xhafajt dhe i dyti për emërimin në vend të tij të Gjeneralit Sandër Lleshi. Por nëse për shkarkimin e Xhafajt, firma e kreut te shtetit ishte e menjëhershme, nuk ndodhi e njëjta gjë për dekretin e emërimit në detyrë të Sandër Lleshit. Vizion Plus, raportoi dje se siç parashikohet në ligj, Presidenca ka kërkuar informacion mbi figurën e Sandër Lleshit në të gjithë institucionet ligjzbatuese, një procedurë kjo që ndiqet në të gjitha rastet e personave që presin dekretin e kreut te shtetit. Informacioni është kërkuar dhe nga Shërbimi Informativ Shtetëror dhe Shërbimi Informativ i Ushtrisë. Të njëjta burime saktësojnë se shkak kryesor për këto informacione të kërkuara nga shërbimet sekrete është ngjarja e 21 janarit 2011, ku 4 persona mbetën të vrarë përpara kryeministrisë, në një protestë të thirrur nga opozita e kohës pas publikimit të një video- përgjimi mes Dritan Priftit dhe Ilir Metës. Në atë kohë, Lleshi ka mbajtur pos- tin e zv. shefit të Shtabit të Përgjithshëm të Forcave të Armatosura të Shqipërisë. Për shumë kohë u fol nëse ka pasur një plan të ushtrisë për shpalljen e shtetrrethimit në vend, pas ngjarjes se konsideruar si një puç nga ishkryeministri Berisha. Por ministri i Mbrojtjes i kohës, Arben Imami e ka hedhur poshtë këtë tezë, duke deklaruar se nuk ka pasur asnjë tentative për të përfshirë Forcat e Armatosura, por vetëm sugjerime të karakterit informues nëse mund të përdorej ushtria, pasi në disa vende anëtare të NATO- s, në situata të ngjashme, lejohet angazhimi i tyre. Tashmë Presidenca ka kërkuar nga SHISH dhe SHIU informacione të detajuara lidhur me periudhën që Lleshi ka mbajtur këtë post, si dhe mbi rolin e Forcave të Armatosura në ngjarjen e rëndë të 21 janarit. Deri në mbërritjen e përgjigjeve dekreti për emërimin e Lleshit në këtë detyrë do të mbesë në tryezën e Presidentit Ilir Meta.
KËSHILLA
Aleksandër Lleshi, pritet të zëvendësojë ish- ministrin e Brendshëm Fatmir Xhafaj, por deputeti i PD, Genc Pollo, ia drejtoi dje 8 pyetje ministrit të ri. Pollo shkruan se nuk ka asnjë paragjykim për Lleshin, këshilltar i kryeministrit për çështjet e sigurisë që nga viti 2013, por do të donte t'i bënte disa pyetje. "Cilat janë këshillat që z. Lleshi i dha kryeministrit: 1- kur u mor vesh se avionë të vegjël transportonin drogë nga Shqipëria në Itali duke përdorur aeroporte ushtarake si Gjadri apo edhe aerodrome e pista rrethanore; 2- kur u bë e qartë se mohimi nga Ministria e Mbrojtjes i përdorimit të aeroporteve nga avionët e drogës rezultoi i pavërtetë; 3kur Shefi i Shtabit të Përgjithshëm Bazo në maj 2014 pretendoi publikisht se është i pamundur transpor-
ti i drogës me avion "meqë hapësirën ajrore të Shqipërisë e monitoron NATO", çka ishte tërësisht e gënjeshtërt pasi NATO nuk ka objekt aviacionin civil e aq më pak aeroplanët privatë; 4kur debatohej në publik se mbjellja masive e drogës vendin tonë në vitin 2016 përbënte rrezik për sigurinë publike e kombëtare; 5- kur raportet e Europolit, Departamentit të Shtetit të ShBA, Zyrës për Drogën e Krimin të OKB ( UNODC) dhanë alarmin pas vitit 2016 për kanabizimin e vendit e pasojat e rrezikshme të tij; 6- kur rezultoi
se bandat e narkotrafikantëve kontrollonin radarët e bregdetit dhe i fiknin ata sa herë u nevojitej atyre për fshehur transportet e drogës; 7- kur një ministër i qeverisë Rama sugjeroi ndërhyrjen antidrogë të Ushtrisë pasi Policia konsiderohej e kanabizuar; 8- kur u hartua e miratua ligji mbi FA, i cili u rrëzua në vitin 2014 nga Gjykata Kushtetuese pasi transferonte të gjithë pushtetet e organeve kushtetuese tek kryeministri duke e bërë atë "edhe komandant edhe komisar", siç u shprehën ekspertët", shkruan z. Pollo.