Gazeta kroate reportazh për Kosovën: Njihuni me ushtrinë e re
"Veçernji list" interviston gjeneralin e FSK: Gjithçka sipas standardeve të NATO Hadërgjonaj për gazetarët: Jeni të privilegjuar
Gazeta më e madhe kroate, "Veçernji list", ka bërë një reportazh në lidhje me ushtrinë e Kosovës. ' E shihni, gjithçka çfarë bëjmë është sipas standardeve të NATOs'. Me këtë fjali të gjeneralbrigade të FSK- së, Fadil Hadërgjonaj e nis reportazhin për ushtrinë e Kosovës, gazeta më e madhe kroate "Veçernji list". Me titullin "Video ekskluzive Veçernji i pari në përgatitjen e forcave të armatosura të Kosovës", gazeta kroate e vazhdon reportazhin e gjatë me deklaratën tjetër të Hadërgjonajt se "ndjehet i nderuar që keni ardhur nga Kroacia në Istog, në poligonin e ushtarëve të rinj të NATO- s, ku pikërisht fillon përgatitja e ushtrisë së ardhshme të Kosovës". Gazeta tutje shkruan për vendimin e parlamentit të Kosovës që FSK- në ta shndërrojë në ushtri me 5000 ushtarë. "Forcat e Sigurisë së Kosovës deri më tani kanë pasur mision të kufizuar. Deri më tani ruajtjen e sovranitetit dhe integritetit të Kosovës e kanë pasur forcat e KFOR- it, të cilat i kanë 4000 ushtarë në këtë territor. Forcat e NATO- s këtu janë të vendosura për gati dy dekada, menjëherë pas përfundimit të luftës në Kosovë",- shkruan tutje "Veçernji list", përcjell metro. Më pas në reportazh thuhet se tanimë pas transformimit të forcave të sigurisë në ushtri, ruajtja e integritetit dhe sovranitetit të Kosovës do të jetë detyrë e Forcave të Armatosura të Kosovës. Për të parë më afër zhvillimin e ushtrisë së Kosovës, brigada për ndërhyrjen e shpejtë "Ujqit" ka demonstruar para gazetarëve kroatë kapacitetet që përmban dhe sa është e gatshme të përballet me sfidat që i dalin përpara nëse cenohet integriteti dhe sovranitetit i Republikës së Kosovës. Gazetarët
kroatë në Istog janë pritur nga gjeneral- brigade, Fadil Hadërgjonaj. "Me besoni, jeni të privilegjuar, pasi që po mos të ishit nga Kroacia, do të ishte në pikëpyetje se a do të hynit apo jo në bazë",ka thënë duke qeshur, Hadërgjonaj. Gazetarët kanë folur edhe me ushtarin e brigadës, Argjend Lokaj, i
cili iu ka thënë se shumë të rinj dëshirojnë t'i bashkohen ushtrisë, por sipas tij, fatkeqësisht nuk ka edhe aq shumë kapacitete aktualisht. "Për neve ushtria është gjithçka, nder, krenari dhe identitet. Prindërit e mi kanë qenë pjesëtarë të UÇKsë, ushtria që e çliroi Kosovën, ndërsa tash detyra jonë është që ta ruajmë lirinë dhe pavarësinë",- ka thënë ndër të tjera Argjendi. Ky reportazh i kroatëve vjen në kohën kur në Serbi ka kundërshtime dhe spekulime të mëdha për Ushtrinë e Kosovës. Me këtë, gazeta kroate tregon edhe një herë se aleatin më të madh në Ballkan Kosova e ka Kroacinë, kuptohet pas Shqipërisë. Ndërkaq FSK u shpall si ushtri zyrtarisht në fillim të muajit nga ku edhe nisën diskutimet për buxhetin që do t'i kalohej për t'u transformuar. Transformimi dhe ngritja e kapaciteteve të Forcës së Sigurisë së Kos- "Forcat e Sigurisë së Kosovës deri më tani kanë pasur mision të kufizuar. Deri më tani ruajtjen e sovranitetit dhe integritetit të Kosovës e kanë pasur forcat e KFOR- it, të cilat i kanë 4000 ushtarë në këtë territor. Forcat e NATO- s këtu janë të vendosura për gati dy dekada, menjëherë pas përfundimit të luftës në Kosovë",- shkruan tutje "Veçernji list". ovës, pritet t'i kushtojë buxhetit të Kosovës nga 55 milionë euro në vit, sa është tani, në afër 100 milionë euro në vit, diku pas 5 apo 6 vjetësh. Nga 1.8 miliard euro të buxhetit të Kosovës për vitin 2018, për FSK- në, këtë vit janë ndarë 55 milionë euro. Por, për transformimin e FSK- së, është planifikuar që buxheti për çdo vit të rritet me nga 5 deri në 6 milionë euro. Sidoqoftë, kostoja e gjithë procesit të transformimit të FSK nuk është bërë ende e ditur nga autoritetet përgjegjëse, pasi që siç thuhet, ende nuk ka ndonjë përllogaritje të saktë.