Vrasja e minoritarit, reagon ashpër OMONIA: Ekzekutim i ftohtë
Për
ngjarjen në Bularat ka reaguar edhe organizata politike e minoritetit OMONIA. Përmes një deklarate për shtyp, ajo ka cilësuar vrasjen e Kostandinos Kaçifas një ' ekzekutim të ftohtë'. Teksa ka dënuar ngjarjen e rëndë, Omonia akuzon policinë shqiptare se kjo e fundit nuk i është përmbajtur rregullores, ndërkohë që nuk ka lënë pa shigjetuar edhe qeverinë shqiptare për prodhimin e "klimës së dhunës", sipas tyre kundër minoritetit. "Dëshpërim për ekzekutimin e Konstandinos Kaçifas. Shqetësim për minoritetin grek të Shqipërisë pas ngjarjes së rëndë dhe propagandës se thellë antihelene. Trishtim dhe indinjatë e thellë, janë ndjenjat tona pas përfundimit të operacionit policor, ku mbeti i vdekur Kostandinos Kaçifas. Sipas vlerësimeve të para, policia injoroi rregulloren e izolimit të një personi të vetëm duke e ekzekutuar. Është e rëndësishme të theksojmë faktin se këto ndodhën, ndërsa në Bularat zhvillohej ceremoni përkujtimore me përfaqësi zyrtare diplomatike dhe qeveritare nga të dy vendet. Mesa duket, nuk bëhet fjalë vetëm për shkeljen e të drejtës bazë të njeriut, por edhe të jetës. Por, është një klimë e tërë psikologjie e dhunës në kurriz të minoritetit. Urojmë forcat policore që zbritën nga Tirana të mos jenë ndikuar nga klima antihelene, që propagandohej nga minutat e para të debatit të Kostandinos Kaçifas me policinë lokale. Apo nga thirrjet e menjëhershme të partive dhe organizatave antihelene, apo dhe nga përpjekja e madhe e Tiranës të ndryshojë axhendën. Mesazhi që i dhanë minoritetit dhe të ftuarve në ditën e sotme është fatkeqësisht i hidhur. Ne, OMONIA, vazhdojmë të denoncojmë padrejtësinë nga tensioni frymëmarrës i medias që fatkeqësisht hedh i benzinë zjarrit", - thuhet në deklaratën e OMONIA- s.