Vrasja e ekstremistit grek, nëna: Nuk e dua më jetën pa tim bir, e hëngrën qentë shqiptarë
Banorët e fshatit Bularat: Konstandini ishte djalë i mirë, nuk duhej të ishte qëlluar Familja hap dyert e mortit. Refuzuan tërheqjen e trupit nga morgu, kërkojnë ekspertizë nga Greqia
Pse ma vranë tim bir, përse trimin tim! E hëngrën qentë shqiptarë, nuk e duan minoritetin grek. Tani nuk kam ç'e dua jetën pa djalin tim, pa shpirtin tim. Nuk e duroj dot këtë dhimbje". Kështu është shprehur mes lotëve nëna e Kostandin Kaçifas, i cili mbeti i vrarë të dielën në Bularat të Gjirokastrës pas shkëmbimit të zjarrit me policinë. Në një prononcim për mediat greke, nëna e 35vjeçarit, përmes dhimbjes së madhe për humbjen e të birit, ka thënë se shqiptarët nuk i donin pakicat. "Tani unë nuk e dua jetën pa fëmijën tim, pa shpirtin tim", ka pohuar ajo. Ndërkohë, mësohet se i riu jetonte prej vitesh në Greqi, por kthehej shpesh në fshat, mbi kodrën e të cilit kishte ngritur një flamur, krenar për përkatësinë e tij greke. Mësohet se edhe dy motrat e viktimës, që jetojnë prej vitesh në Athinë kanë shkuar në fshat gjatë natës për t'i qëndruar pranë nënës së tyre. Një ditë pas vrasjes së ushtarit ekstremist grek në Bularat të Gjirokastrës, situata në këtë fshat, në pamje të parë është e qetë, por banorët kundërshtojnë veprimin e policisë shqiptare. Familja e 35- vjeçarit Konstandin Kaçifas; mamaja dhe dy motrat e tij, bashkë me të afërmit kanë hapur dyert e mortit. Fillimisht ata kanë refuzuar të tërheqin trupin e pajetë të 35- vjeçarit nga morgu, pasi kundërshtojnë ekspertizën mjeko- ligjore të spitalit të Gjirokastrës. Ata kërkuan ekspertizë të pavarur me pjesëmarrjen edhe të specialistëve grekë. Por, burime policore bënë me dije se më pas familja Kaçifas ka arritur dakordësinë për të tërhequr trupin nga morgu, ndërsa ditën e sotme do të bëhet varrimi. Në shtëpinë me portë blu dhe me oborrin me shumë lule, shkallët e ndërtuara me pllaka guri, ka pllakosur zia, ndërkohë që gra të veshura me të zeza shkojnë për ngushëllim. Në familjen e Kaçifas ka shkuar edhe konsulli grek, Vasileos Tolos, pasi ata janë pjesë e minoritetit grek. Pas ngjarjes së