Vrasja në Bularat, të afërmit e Kaçifas: Djali bëri një budallallëk
GJIROKASTËR - Pas vrasjes së Kostandin Kaçifas, reagimet që vijnë në lidhje me ngjarjen janë të ndryshme. Banorë të fshatit Bularat dje deklaruan se 35- vjeçari ishte njeri i mirë dhe nuk duhej të vritej. Ndërkaq, disa të afërm të tij deklaruan dje për "News 24" dhe "Gazeta Shqiptare" se ajo që Kostandinos bëri, ishte një budallallëk dhe se një ngjarje e tillë nuk duhet të politizohet. "Mediat shqiptare e greke japin informacione të pavërteta. Djali bëri një budallallëk dhe një ngjarje e tillë nuk ka pse të politizohet. Po përpiqemi të qetësojmë ujërat si në Greqi, edhe në Shqipëri. Ka të çmendur nga të dyja palët, kështu që të mos u japim shkas ekstremistëve. Jemi fqinj dhe gjërat nuk duhet të keqinterpretohen", janë shprehur ata.
rëndë, ku pas shkëmbimit të zjarrit me policinë mbeti i vrarë 35- vjeçari Kostandinos Kaçifas, banorët e zonës shprehen të indinjuar. Të gjithë banorët e këtij fshati, ku dy ditë më parë do të mbaheshin festimet për festën kombëtare të Greqisë, kanë reaguar për ngjarjen në fjalë, ndërsa shprehen se i riu nuk duhej të vritej nga policia. "Konstandini ishte djalë i mirë. Nuk duhej të vritej, ishte njeri dhe jo kafshë", thanë banorët e fshatit Bularat. Banorët kanë ngritur piramida përkujtimore në vendin ku mbeti i vdekur minoritari grek.
VRASJA
Zbardhen detaje të reja në lidhje me vrasjen e ekstremistit grek. "News 24" dhe "Gazeta Shqiptare" kanë mësuar lëvizjet e të minoritarit. Mësohet se pak pasi ai hapi zjarr i pari ndaj policisë, pasi qëlloi me armë në ajër, Kaçifas mori rrugën drejt banesës së tij në fshat. Pasi u vesh me shpejtësi me një uniformë ushtarake, që shërbente mirë edhe për t'u kamufluar ndaj policisë, mori në një çantë mjete luftarake, 3 kariktatorë me fishekë dhe më pas tentoi të humbiste gjurmët. Pas disa orësh kërkimesh, ku në aksion ish-
te e pranishme FNSH- ja si dhe RENEA, këta të fundit bënë të mundur lokalizimin e autorit. Pavarësisht thirrjes së policisë për t'u dorëzuar, 35- vjeçari nuk iu bind urdhrit, ndërsa vijonte të qëllonte me armë zjarri, ndërkohë që njëri prej plumbave të policisë e preku në gjoks, duke i shkaktuar atij vdekjen. Nga ana tjetër, forcat RENEA kanë deklaruar se ka qenë e pamundur që ai të neutralizohej, pasi 35vjeçari gjuante pa pushim me armë. Burime nga prokuroria do të hetojnë nëse kishte mundësi që autori të neutralizohej nga poli-
cia, ndërkohë që ngjarja ka përshirë edhe politikën e të dyjave vendeve, Shqipërisë dhe Greqisë. Gjithashtu, mësohet se 35- vjeçari para pak kohësh ishte divorcuar, martesë nga e cila kishte një vajzë 10 vjeçe. Ndërkohë, banorët e zonës pohuan se i riu kishte shfaqur shenja depresioni pas divorcit, por nuk ishte person me probleme të shëndetit mendor. Sipas tyre, ai vinte shpesh në fshat, pasi aty jetonte nëna e tij. Mendohet se ai kishte probleme të depresionit, por jo të shëndetit mendor, për shkak të problemeve familjare. Kjo mbetet për t'u verifikuar.