"Bularati", Berisha: Të mos përdoret politikisht. Rama: Pisllëk
Ish- kryeministri: Ndal histerisë primitive antishqiptare në Athinë dhe asaj antigreke në Tiranë Basha: Ish- kryeministri u sulmua me gjuhë banditi
Vrasja nga policia e mi noritarit grek, Ko standino Kacifa në fshatin Bularat të Gjirokastrës përplasi dje ish- kryeministrin Sali Berisha dhe pasardhësin e tij Edi Rama, reagimi i ashpër i të cilit nxiti një tjetër reagim të kreut të opozitës, Lulzim Basha. Ish- kryeministri Sali Berisha dje bëri thirrje që të marrë fund histeria antishqiptare në Athinë, ndërsa kërkoi që Athina e Tirana të mos e përdorin ngjarjen e Bularatit për qëllime politike. Berisha dënon aktin që vuri në rrezik forcat e rendit dhe i shpreh ngushëllime familjes së 35- vjeçarit. Ai bëri thirrje për ndalimin e histerisë primitive antishqiptare në Athinë dhe asaj greke në Tiranë. Berisha shprehet se dënon disa reagime zyrtare të Athinës, por edhe të Tiranës, që duan të përdorin rastin për qëllime politike. Z. Berisha shprehet se policia ka të drejtën ligjore t'i kundërpërgjigjet kujtdo që hap zjarr ndaj saj, deri në asgjësimin përfundimtar. Ish- kryeministri i ka shprehur ngushëllimet familjes së viktimës, ndërsa ka dënuar zërat antishqiptarë në Athinë dhe zërat antigrekë në Tiranë. Berisha thekson se është e nevojshme të bëhet një hetim transparent për këtë ngjarje dhe të bashkëpunohet midis dy vendeve. "Natyrisht, në çdo rast që hapet zjarr drejt policisë, kësaj të fundit i lind e drejta ligjore të neutralizojë burimin e zjarrit. Kur them të neutralizojë, nënkuptoj me këtë dorëzimin e kriminelit që hap zjarr, plagosjen e tij dhe së fundi edhe asgjësimin e tij kur dy të parat janë të pamundura. Pavarësisht aktit të dënueshëm që vuri në rrezik forcat e rendit, i shpreh ngushëllime njerëzore familjes së viktimës. Duke dënuar disa reagime zyrtare të Athinës, por edhe të Tiranës, që duan të përdorin rastin për qëllime politike, konsideroj të nevojshme një hetim të plotë dhe transparent të kësaj ngjarjeje. Me këtë rast bëj thirrje për ndërprerjen e histerisë primitive antishqiptare në Athinë dhe asaj antigreke në Tiranë, që nuk i shërbejnë as të vërtetës dhe as bashkëpunimit mes popujve dhe vendeve tona!", "Duke dënuar disa reagime zyrtare të Athinës, por edhe të Tiranës, që duan të përdorin rastin për qëllime politike, konsideroj të nevojshëm një hetim të plotë dhe transparent të kësaj ngjarjeje. Bëj thirrje për ndërprerjen e histerisë primitive antishqiptare në Athinë dhe asaj antigreke në Tiranë!", tha z. Berisha.