Fotot, ekstremisti grek qëlloi me automatik të modifikuar me dylbi
Dyshimet për provokim të organizuar. Burimet: Ishte pjesë e një grupi Konstandin Kaçifa kishte 3 krehra të bashkuar
Shtohen dyshimet se ek stremisti grek Kostan din Kaçifa ishte pjesë e një plani të parapërgatitur për të krijuar tension në jug të Shqipërisë. Burime nga Bularati bëjnë të ditur se plumbat mbi Policinë e Shtetit mendohet të kenë qenë një incident i planifikuar që më parë. Dyshimet janë se Kaçifa ishte pjesë e një komandojë të armatosur që ka mësyrë në kufirin shqiptar për të shkaktuar akte terrori në vend.
Në videon e publikuar nga mediat, shihet se Kaçifa mban në dorë një kallash të modifikuar me 3 krehra të bashkuar, i veshur me uniformë ushtarake. Kjo të bën të mendosh se viktima që u vra nga RENEA e kishte paramenduar aktin e tij të goditjes së policisë shqiptare. Gazetari investigativ deklaroi dje se Kaçifa nuk veproi vetëm. S'ishte vetëm. Por kur panë RENEA- n, dronët dhe helikopterët, u trembën. Ka qenë skenar, sepse ai s'veproi i vetëm. Kur i shihte syri rrezik, vepronte. S'ishte fshatar i thjeshtë. Askujt s'i bëhet qejfi për jetën e një njeriu, por askush se dinte çfarë do ndodhte. Nuk dihej nëse do ndihmohej sërish nga persona të armatosura. Në pamundësi të negociatave dhe të një zgjidhjeje tjetër, Forcat Speciale e neutralizuan. Ai u ndihmua nga të tjerë. Ku janë të tjerët që hynë në Shqipëri me Kaçifën?", deklaroi ai.
Në këto foto shihet 35vjeçari, i veshur me uniformë ushtarake dhe me një automatik në dorë teksa qëllon në drejtim të automjetit të policisë në qendër të fshatit Bularat. Pamjet janë regjistruar me celular nga brenda lokalit, ndërsa dëgjohen edhe disa të shtëna.
NGJARJA
Në prag të zhvillimit të festes se Greqisë, e cila si çdo vit u organizua edhe në qendër të fshatit Bularat në Gjirokastër, të shtëna me armë tronditën zonën. Policia, e cila ishte stacionuar në qendër të fshatit për mbarëvajtjen e festës menjëherë është nisur ne drejtimin nga janë dëgjuar të shtënat, ndërsa identifikoi edhe personin që qëlloi me armë. Kostandin Kaçifa sapo ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.
Fatmirësisht nga të shtënat nuk pati punonjës policie të plagosur, por vetëm është thyer xhami i mjetit të policisë. Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin. Shtetasi Kostandinos Kaçifa u fut në thellësi të fshatit ku forcat "Shqiponja" dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij.
Në ndihmë të shërbimeve të Policisë së Gjirokastër shkoi dhe një helikopter i Ministrisë së Brendshme dhe forcat speciale RENEA nga Tirana, të cilat bënë te mundur edhe lokalizimin e autorit. Por pasi nuk iu përgjigj thirrjes se policisë për t'u dorëzuar, 35- vjecari qëllonte me armë zjarri, ndërkohë mbeti i vrarë.