U arrestua në Tiranë, pedofili italian ka abuzuar edhe me dy fëmijë shqiptarë
Ndërpriten procedurat për ekstradimin e 45- vjeçarit
TIRANE - Arrestimi pak ditë më parë i 45- vjeçarit italian në Tiranë, i cili kërkohej nga drejtësia italiane për dhunë seksuale ndaj të miturve ka nxjerrë në dritë një të vërtetë tronditëse. Masimilliano Croce, i dënuar në vendin fqinj me vendim të formës së prerë me 16 vite burg pasi ka abuzuar seksualisht me fëmijë të varfër e jetimë, të cilëve iu jepte mësim në Romë, dyshohet se ka abuzuar seksualisht edhe me 2 fëmijë shqiptarë. Burime nga policia thanë për ' News 24' se 45- vjeçari italian jetonte prej 2 vitesh në periferi të Tiranës ku bashkëjetonte me një grua, e cila kishte dy fëmijë, më i madhi 14 vjeç. Pas prangosjes së Croces, blutë kanë marrë në pyetje gruan së bashku me 2 fëmijët. Në prani të psikologes, të miturit kanë treguar se janë ngacmuar e abuzuar seksualisht nga 45- vjeçari. Ndërsa, gruaja ka deklaruar se nuk ka qenë në dijeni as për abuzimin me fëmijët e saj as për të shkuarën e errët të italianit. Ajo ka treguar për uni- format blu se ai sillej mirë me fëmijët dhe e ndihmonte financiarisht për të përballuar jetesën. Momentalisht policia po kryen hetime të thelluara, por nuk ka sigu- ruar asnjë provë që të fajësojë gruan si bashkëpunëtore. Në lidhje me këtë rast janë ndërprerë procedurat e ekstradimit të 45- vjeçarit, pasi ai do të hetohet për veprën penale të dhunës seksuale ndaj të miturve në Shqipëri. Masimilliano Croce në vitin 2017 është dënuar nga gjykata italiane me vendim të prerë me 16 vite burgim për veprën penale: "dhunë seksuale ndaj të miturve". Croce kishte mundur t'iu shpëtonte prej katër vitesh autoriteteve italiane, ndërsa u prangos në periferi të kryeqytetit më 24 tetor pas një bashkëpunimi mes policisë italiane dhe asaj shqiptare.