Zv/ ministri i FSK- së: Rusia propagandon me mashtrime kundër nesh
Ramadani: Serbisë po i marrin rusët qindra miliona euro nga buxheti "Asnjëherë Kosova me institucionet nuk ka qenë kërcënim"
Pas deklaratave të Rusisë lidhur me krijimin e ushtrisë së Kosovës, vjen reagimi nga zëvendësministri i Forcës së Sigurisë së Kosovës, Burim Ramadani. MPJ e Rusisë ka shprehur shqetësim për vendimin e Kuvendit të Kosovës për t'i shndërruar Forcat e Sigurisë së Kosovës në ushtri të plotë. Përmes një postimi në ' Facebook', Ramadani pohoi se në asnjë rrethanë Kosova dhe institucionet e saj të sigurisë, duke përfshirë edhe FSK- në, nuk paraqesin kërcënim. Madje, ai ka shtuar se rajoni do të përfitojë nga tranzicioni i FSKsë. "Asnjëherë dhe në asnjë rrethanë, Kosova dhe institucionet e saj të sigurisë, përfshirë këtu FSK- në, nuk janë kërcënim. Përkundrazi, ato janë multi- etnike, profesionale, kredibile dhe me diversitet më të madh etnik se popullata të cilës i shërbejnë. Këto institucione janë të trajnuara në standardet më të larta demokratike. Rajoni do të përfitojë nga tranzicioni i FSK- së. Kosova kontribuon aktivisht në sigurinë rajonale dhe do ta rrisë kontributin", ka thënë ai. "Rusia po përdor propagandë krejtësisht mashtruese kundër Kosovës, ndërsa Serbisë po i merr qindra miliona euro nga buxheti duke i shitur armatim përmes aferave të mëdha të korrupsionit", tha ai. Ndërkaq kujtojmë se FSK është njohur zyrtarisht nga vetë kuvendi në 18 tetor me anën e tri projektligjeve me 96 vota pro. Gjithashtu, para disa ditësh u përfol edhe për largimin e disa ushtarëve serbë nga radhët e ushtrisë. Por "Rusia po përdor propagandë krejtësisht mashtruese kundër Kosovës, ndërsa Serbisë po i merr qindra miliona euro nga buxheti duke i shitur armatim përmes aferave të mëdha të korrupsionit", tha z/ ministri i FSK, Burim Ramadani.
pas daljes së fjalëve të tilla shumë shpejt u shuan nga drejtuesit e Forcës së Kosovës.