"Konstandini u frymëzua nga ushtarët grekë, që ranë në Epir në vitet ' 40-' 41"
Motra e 35- vjeçarit: Të zbardhet ngjarja, duam të dëgjojmë bisedat e policëve në celular Jani Kaçifas: Djali ishte patriot, e donte Greqinë
Dy ditë pas vrasjes së ushtarit ekstremist grek, Konstandin Kaçifas në fshatin Bularat të Gjirokastrës ka reaguar babai i tij, Jani Kaçifa. Në një prononcim për median greke "Protothema", ai ka thënë se i biri u vra nga policia shqiptare se ishte patriot. Me lot në sy, babai i 35- vjeçarit që u ekzekutua nga forcat RENEA ka deklaruar se djali u frymëzua nga ushtarët grekë të vrarë në vitet ' 40- 41. "Konstandinos u frymëzua nga ushtarët grekë, që ranë këtu në Epir gjatë viteve ' 40-' 41. Ishte kaq thellë i frymëzuar saqë nuk ndahej nga flamuri grek. Erdhi para pesë vitesh në fshat që të punojë këtu, sepse atëherë kishte punë. Sapo erdhi, ngriti flamurin grek në kodrën ku ranë ushtarët grekë. Ai donte që fshati të kishte një shpirt frymëzues patriotik për helenizmin. Ai denonconte statusin e një bote sovrane, që nuk mbrojti dot Vorio- Epirin. Djali im thoshte se: Ne nuk na duan. Budallenjtë e botës sovrane dhe të pavarur e lanë VorioEpirin jashtë", u shpreh babai i Kaçifas.
REAGIMI I FAMILJARËVE
Në lidhje me vrasjen e Konstandin Kaçifas ka reaguar dhe motra e tij, e cila ka kërkuar që të zbardhet e vërteta. Pavarësisht se vëllai i saj hapi zjarr ndaj policisë duke rrezikuar jetën e tyre, motra e 35- vjeçarit kërkon të mësojë më shumë për bisedat e policëve nga celularët e tyre kur ndodhi ngjarja. "Nga kamerat, nga sateliti, nga çdo mjet që mund të mësojmë atë që duam më shumë në këtë moment familja, në këtë situatë që është, të vërtetën. Jemi në një gjendje shumë të keqe. Duam të dalë e vërteta, të mësojmë fiks çfarë ndodhi, duam të dëgjojmë bisedat e policëve nga celularët e tyre kur ndodhi gjithçka, nga kamerat", ka pohuar shprehur motra e Konstadin Kaçifas. Ndërkaq, mediat e vendit fqinj kanë publikuar dje një tjetër video të momentit ku mamaja e ekstremistit grek që u vra
në Bularat, mëson se djali i saj është vrarë. Të ëmës i kanë thënë se Konstandinos i kërkuan që të dorëzohej, por ai është përgjigjur se nuk dorëzohej se ishte grek dhe prandaj e vranë. Edhe pse kanë kaluar tri ditë nga vrasja e minoritarit grek në Bularat të Gjirokastrës, telefoni i Konstandinos Kaçifas, i cili mbeti i vrarë gjatë një sh-
këmbimi zjarri me forcat RENEA nuk është gjetur ende. Telefoni i viktimës mund të japë detaje dhe informacione të rëndësishme për të hedhur dritë mbi ngjarjen. Familjarët e Kostandin Kaçifas kundërshtojnë ekspertizën e Institucionit të Mjekësisë Ligjore Shqiptare. Familja minoritare këmbëngul që një ekspert privat të përcaktojë Një tjetër reagim ka ardhur nga Greqia pas vrasjes së minoritarit grek, Konstandinos Kaçifas. Kësaj radhe është kryetari i grupit parlamentar të Koalicionit Demokratik të Partive të Majta, ishministri Andreas Loverdos, i cili "kërcënon" se do e çojnë çështjen deri në Bruksel. Në një reagim të publikuar dje nga mediat greke, Loverdos i bën thirrje kryeministrit Edi Rama të tregojë gjakftohtësi. Ai thotë se duhet të ndiqet rruga diplomatike dhe përmes Brukselit.
shkakun e vdekjes së të afërmit të tyre. Mësohet se në Gjirokastër ka shkuar edhe një mjek ligjor grek, i cili është kërkuar nga familjarët për të marrë pjesë në ekspertizën mjeko- ligjore të trupit të 35vjeçarit. Nga ana tjetër, avokati grek i familjes Kaçifa paralajmëron se nuk do të zhvillohet ceremoni mortore për 35- vjeçarin e vrarë
Në prag të zhvillimit të festes së Greqisë, e cila si çdo vit u organizua edhe në qendër të fshatit Bularat në Gjirokastër, të shtëna me armë tronditën zonën. Policia, e cila ishte stacionuar në qendër të fshatit për mbarëvajtjen e festës menjëherë është nisur në drejtimin nga janë dëgjuar të shtënat, ndërsa identifikoi edhe personin që qëlloi me
armë. Kostandin Kaçifa sapo ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë, duke rrezikuar jetën e tyre. Fatmirësisht nga të shtënat nuk ka punonjës policie të plagosur, por vetëm është thyer xhami i mjetit të policisë. Policia menjëherë ka rrethuar zonën, ku përsëri ky shtetas ka hapur zjarr në drejtim të punonjësve të policisë që po e ndiqnin. Shtetasi Kostandinos Kaçifa u fut në thellësi të fshatit ku forcat "Shqiponja" dhe shërbimet e tjera të Drejtorisë Vendore të Policisë vijuan krehjen e zonës për të bërë të mundur kapjen e tij. Në ndihmë të shërbimeve të Policisë së Gjirokastrës shkoi dhe një helikopter i Ministrisë se Brendshme dhe forcat speciale RENEA nga Tirana, të cilat bënë të mundur edhe lokalizimin e autorit. Por, pasi nuk iu përgjigj thirrjes së policisë për t'u dorëzuar, 35- vjeçari qëllonte me armë zjarri, ndërkohë që mbeti i vrarë.