Vrasja në Bularat, Meta: Ngjarje e izoluar, jo retorikë nacionaliste
Presidenti në qendrën "Marshall": NATO s'lejoi që Ballkani të bëhej Lindja e Mesme e Evropës "Të mos përdoret për qëllime politike"
Presidenti Ilir Meta e konsideron një ngjar je të izoluar, atë që ndodhi në fshatin Bularat më 27 tetor, ku mbeti i vrarë nga forcat RENEA 35- vjeçari Kostandin Kaçifas. Presidenti Ilir Meta reagoi dje përmes zëdhënësit të Presidencës, Tedi Blushi, për ngjarjen në Bularat. Kreu i Shtetit u bën apel partive politike të qëndrojnë larg përpjekjeve për të shfrytëzuar këtë ngjarje për retorikë nacionaliste e nevoja politike destruktive. Sipas presidentit, kjo ngjarje e izoluar nuk mund të zbehë miqësinë shqiptaro- greke. Gjithashtu, presidenti dënon banderolën në shkallët e Selman Stërmasi" gjatë ndeshjes Partizani- Skënderbeu. "Presidenti i Republikës, Ilir Meta, vlerëson rëndësinë e hetimeve transparente e shteruese dhe shpreh bindjen e thellë se kjo është një ngjarje e izoluar, e cila nuk mund të zbehë miqësinë shqiptarogreke. Minoriteti grek në Shqipëri dhe emigrantët shqiptarë në Greqi do vazhdojnë të jenë ura solide të këtyre marrëdhënieve dhe kësaj miqësie. Presidenti Meta vlerëson qëndrimet e ministres së Kulturës së Greqisë lidhur me ngjarjen dhe iu bën apel të gjithëve të qëndrojnë larg përpjekjeve për të shfrytëzuar këtë ngjarje për retorikë nacionaliste e nevoja politike destruktive", thuhet në reagimin e kreut të shtetit. Në të njëjtën kohë Presidenti Meta thekson se parulla e shfaqur të hënën në shkallët e stadiumit "Selman Stërmasi" gjatë ndeshjes Partizani- Skënderbeu është jo vetëm e papranueshme, por thellësisht e dënueshme. "Një parullë e tillë antisportive dhe raciste është edhe një fyerje për korifenjtë e futbollit shqiptar, që nderuan fanellën e ekipit tonë kombëtar duke pasur kombësinë greke. Sidoqoftë, këto ngjarje të izoluara duhet të na shërbejnë si një kambanë alarmi për të parandaluar dhe frenuar që në gjenezë pasojat e gjuhës së urrejtjes mes popujve tanë", deklaron Presidenti i vendit, Ilir Meta.
TAKIMI
Presidenti i Shqipërisë, Ilir Meta, foli para 98 pjesëmarrësve nga 42 vende, lidhur me sigurinë dhe integrimin euroatlantik në Ballkan nga këndvështrimi shqiptar, teksa ishte i ftuar në George C. Marshall European, Qendra për Studime të Sigurisë më 25 tetor. "Unë dua të filloj duke pohuar se në fillim të viteve ' 90, vendi im ishte shumë me fat që kishte në prag të derës modelet më të mira të arkitekturës së sigurisë në historinë e njerëzimit - NATO dhe Bashkimi Evropian", tha Meta, i cili u zgjodh president i Republikës së Shqipërisë, 28 prill 2017. "Për rajonin e Ballkanit, ata
kanë provuar të jenë të dobishëm në të dy kohët e luftës dhe paqes. Dua të theksoj faktin se ndërhyrja e NATO- s, veçanërisht nga SHBA dhe më pas përfshirja e BE në një mënyrë vendimtare dhe të vendosur, shpëtoi Ballkanit të bëhet Lindja e Mesme e Evropës", u shpreh ai. Pjesëmarrësit ndjekin Programin e Qendrës "Marshall" për Studimet e Aplikuara të Sigurisë, i cili siguron një ar-
sim të nivelit të lartë në politikat e sigurisë, çështjet e mbrojtjes dhe marrëdhëniet ndërkombëtare me një gamë të gjerë të profesionistëve të sektorit të sigurisë nga qeveritë dhe organizatat joqeveritare anembanë botës. "Fjalimi i presidentit ishte i përkryer në kohën kur pjesëmarrësit po përfundonin pjesën akademike të programit", tha drejtori i programit PASS, koloneli Carsten Treder. "Ne kemi
diskutuar pothuajse të gjitha aspektet e politikës së sigurisë së sotme, nga siguria dhe pasiguria, tek aktorët kryesorë, sfidat bashkëkohore dhe strategjitë dhe qasjet për të zbutur këto sfida", tha Treder. "Presidenti dha një shembull të mirëpranuar ' në botën e vërtetë' gjatë fjalimit të tij, si dhe kur u përgjigjej pyetjeve të pjesëmarrësve". Pas fjalimit të tij, i cili zgjati 20 minuta, presi- "Presidenti Ilir Meta vlerëson rëndësinë e hetimeve transparente e shteruese dhe shpreh bindjen e thellë se kjo është një ngjarje e izoluar, e cila nuk mund të zbehë miqësinë shqiptaro- greke. Minoriteti grek në Shqipëri dhe emigrantët shqiptarë në Greqi do vazhdojnë të jenë ura solide të këtyre marrëdhënieve dhe kësaj miqësie", thuhet në reagimin e Presidencës.
denti u përgjigj pyetjeve nga pjesëmarrësit lidhur me temat që lidhen me sigurinë në Ballkan. "Ai ishte i angazhuar dhe i sinqertë", tha Dejtoni. "Sipas mendimit tim të përulur, ai bëri shumë për imazhin e Shqipërisë sot para klasës sonë PASS, duke u folur njerëzve jo vetëm nga Ballkani, por edhe nga pjesa tjetër e Evropës, Afrikës, Azisë, Lindjes së Mesme dhe Veriut dhe Amerika e Jugut", deklaroi ai.