23 universitete nënshkruajnë marrëveshje bashkëpunimi me Kuvendin e Shqipërisë
Gramoz Ruçi: Shërben si vlerë e shtuar për vendin. Mundësi praktike për studentët Rektori i ‘ Luarasit’: Bashkëpunimi, përfitim për universitetet
Ditën e djeshme, Ku vendi i Shqipërisë ka nënshkruar marrëveshjet e bashkëpunimit me 23 universitete publike e private në vend si dhe me Akademinë e Shkencave. Kjo marrëveshje synon që institucionet e arsimit të lartë në vend, të jenë aktorë të fuqishëm në procesin legjislativ dhe kontrollin parlamentar. Kryetari i Kuvendit të Shqipërisë, Gramoz Ruçi, theksoi se përfshirja e universiteteve në ligjbërje mund të shndërrohet në një vlerë të shtuar për vendin dhe do të shërbejë si një praktikë e mirë edhe për studentët. "Kuvendi i Shqipërisë do të mbështesë universitetet dhe qendrat kërkimore që të bëhen aktorë më të fuqishëm dhe më të ndjeshëm në jetën ekonomike, shoqërore, politike dhe kulturore të vendit, të shndërrohen në kantiere të ekonomisë së dijes, të kontribuojnë që rritja ekonomike "të përkthehet" në vende pune e mirëqenie për qytetarët, të ngushtojë pabarazinë dhe të konsolidoje drejtësinë sociale",- tha Ruçi në fjalën e tij. Ky i fundit bëri me dije se ky bashkëpunim është i nevojshëm. "Kuvendi dhe unë personalisht po ndjejmë nevojën e konsultimit me universitetet për të dy funksionet e degës legjislative: ligjbërjen dhe kontrollin parlamentar. Në fakt, ky takim nuk është i papritur, por rezultat logjik i një praktike pune që ne kemi nisur. Gjatë viteve të "Kuvendi i Shqipërisë do të mbështesë universitetet dhe qendrat kërkimore që të bëhen aktorë më të fuqishëm dhe më të ndjeshëm në jetën ekonomike, shoqërore, politike dhe kulturore të vendit, të shndërrohen në kantiere të ekonomisë së dijes, të kontribuojnë që rritja ekonomike "të përkthehet" në vende pune e mirëqenie për qytetarët, të ngushtojë pabarazinë dhe të konsolidoje drejtësinë sociale",- tha Ruçi në fjalën e tij. fundit, kemi pasur mjaft raste kur Kuvendi dhe komisionet parlamentare kanë ndryshuar përmbajtjen e akteve ligjore ose kanë kushtëzuar miratimin e tyre me marrjen e rekomandimeve prej ekspertëve të botës akademike dhe universiteteve",- shtoi kreu i Kuvendit.
BASHKËPUNIMI
Rektori i universitetit "Luarasi", prof. dr Ethem Ruka, në fjalën e tij u shpreh se ky bashkëpunim i ndërsjellë do të sjellë përfitime për universitetet, por edhe për vetë Kuvendin e Shqipërisë. Ai shtoi se pedagogët e "Luarasi"- t do të jenë të gatshëm për të marrë pjesë në debate. "Bashkëpunimi midis Kuvendit dhe universiteteve të Shqipërisë kalon në një fazë tjetër rritjeje. Jemi shumë të lumtur që jemi të gjithë këtu për të nënshkruar një marrëveshje bashkëpunimi të shumanshme me përfitim të ndërsjellë edhe për Kuvendin e Shqipërisë e veçanërisht për universitetet tona. Profesorët tanë të mirë të Drejtësisë janë të gatshëm që të marrin pjesë në komisione, kur ka debate. Sa më mirë të diskutohet një ligj në fazën paraprake, aq më i mirë bëhet ligji, aq më mirë zbatohet dhe aq më shumë përfiton shoqëria",u shpreh rektori i universitetit Luarasi.
DISKUTIMI ME REKTORËT
Gjatë bashkëbisedimit u diskutua mbi disa çështje themelore, ku duhet të përqendrohet veprimtaria akademike e kërkimore- shkencore në Shqipëri. Gjithashtu, një vëmendje e veçantë iu kushtua edhe fuqizimit të bashkëpunimit midis universiteteve e qendrave kërkimore. Marrëveshjet parashikojnë shfrytëzimin e ekspertizës dhe kompetencës shkencore të universiteteve dhe qendrave kërkimore të vendit në procesin legjislativ dhe kontrollin parlamentar, si një vlerë e shtuar dhe e mirë publike për vendin. Marrëveshjet nxisin rritjen e fuqisë kontraktuale të universiteteve dhe qendrave kërkimore në tregun e kërkimit shkencor në Shqipëri. Marrëveshjet parashikojnë, gjithashtu, "Jemi shumë të lumtur që jemi të gjithë këtu për të nënshkruar një marrëveshje bashkëpunimi të shumanshme me përfitim të ndërsjellë. Profesorët tanë të mirë të Drejtësisë janë të gatshëm që të marrin pjesë në komisione, kur ka debate. Sa më mirë të diskutohet një ligj në fazën paraprake, aq më i mirë bëhet ligji, aq më mirë zbatohet dhe aq më shumë përfiton shoqëria",- u shpreh Ruka.
që studentët do të kenë mundësi të bëjnë më shumë praktika pune në Kuvendin e Shqipërisë dhe universitetet të kenë më shumë akses në burimet dhe veprimtaritë e Kuvendit. Rektorët e falënderuan Kryetarin e Kuvendit për këtë mundësi të re që u krijoi universiteteve e qendrave kërkimore, Kuvendi i Shqipërisë. Ata e vlerësuan si një ngjarje të rëndësishme faktin që për herë të parë universitetet shqiptare thirren në Kuvend me një ofertë konkrete bashkëpunimi.