Refuzimi, Meta: Një gjeneral nuk mund të jetë ministër i Brendshëm
Letra për Xhaçkën, presidenti 14 pyetje jo sekrete për zëvendësministrin "Kandidatura e Lleshajt, problematikë kushtetuese"
Presidenti i Republikës Ilir Meta zbardhi dje arsyen e refuzimit të parë për dekretimin e Sandër Lleshit në postin e ministrit të Brendshëm herën e parë. Z. Meta e konsideron emërimin e Lleshit si një problematikë themelore kushtetuese. Kjo sepse sipas tij, ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti apo veprimtari politike, ndërkohë që një ushtarak i shërbimit aktiv nuk mund të kandidojë dhe as të zgjidhet ministër apo deputet pa hequr dorë më parë nga detyra. Për këtë arsye, presidenti i dërgoi një letër me 14 pyetje Ministrisë së Mbrojtjes ku në thelb është i shqetësuar vetëm për një fakt: A është apo jo Gjeneral Sandër Lleshi ende ushtarak aktiv, gjë e cila, sipas nenit 69 të Kushtetutës, e pengon për t'u zgjedhur deputet si një kriter që duhet të plotësojë për të qenë ministër? Përmes kërkesës që mban datën 9 nëntor, Presidenti Ilir Meta kërkon përgjigje shteruese nëse procesi gjyqësor i kandidatit për ministër ka përfunduar dhe çfarë procedurash ka ndjekur ministria e Mbrojtjes për të zbatuar vendimin e gjykatës për të rikthyer ose jo Sandër LLeshin në pozicionin e mëparshëm si zv/ shef i Shtabit të Forcave të Armatosura dhe për ta shpërblyer në bazë të vendimit të gjykatës. "Duke qenë se kandidatura e Sandër Lleshit vjen nga një karrierë e gjatë ushtarake në zbatim të Kushtetutës së Republikës së Shqipërisë, ku ministri si funksion kushtetues është autoritet civil në zbatim të neneve 69, 103, 167/ 1 të Kushtetutës emërimi i tij në detyrën e ministrit të Brendshëm paraqet një problematikë themelore kushtetuese. Kjo sepse ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti apo veprimtari politike, ndërkohë që një ushtarak i shërbimit aktiv nuk mund të kandidojë dhe as të zgjidhet ministër apo deputet pa hequr dorë më parë nga detyra", thuhet në letrën e Presidentit. Kreu i shtetit sqaron në këtë kërkesë, se kryeministri ishte vënë në dijeni edhe herën e parë mbi këtë ndalim kushtetues, e megjithatë kryeministri nuk ka dhënë asnjë shpjegim as shkresën e ridërguar për dekretim të zotit Lleshi, dhe që mban nr. 5211 datë 9.11,2018." Megjithëse kryeministri është vënë në dijeni mbi këtë ndalim kushtetues sërish edhe në këtë propozim të ri, nuk është dhënë asnjë shpjegim, informacion si, dhe nuk është mbajtur asnjë qëndrim mbi këtë çështje dhe për pasoja të tjera që mund të lidhen me të. Për më tepër që në njoftimin fillestar të kryeministrit në rrjetet sociale të kryeministrit të datës 27 tetor 2018, por edhe në dal- je të tij publike Sandër Lleshi propozohet për emërim si ministër i Brendshëm duke e trajtuar atë me gradën "Gjeneral", citohet letra e z. Meta drejtuar ministres Xhaçka. Presidenca shton se shkresa e dytë e kryeministrit është shoqëruar me një relacion Në pyetjet e Presidentit Meta nuk mungojnë dhe detajet ku i kërkon kryeministrit nëse Sandër Lleshi ka ndërruar apo jo mbiemrin duke qenë se në vendimet gjyqësore mbiemri i tij figuron Lleshi, ndërsa në shkresën e kryeministrit figuron mbiemri Lleshaj. shpjegues, që janë dy fletë të panënshkruara: "Në këto kushte Presidenti i Republikës në zbatim të nenit 92/ h vlerëson të domosdoshme paraqitjen e një informacioni shterues mbi pyetjet e parashtruara si dhe të dhëna me shkrim". Dokumenti rendit 14 pyetje, ku në 13 prej tyre kërkohet informacion shterues, siç cilësohet nga Presidenca, lidhur me statusin e Sandër Lleshajt si dhe të gjitha procedurat që Ministria e Mbrojtjes, ka ndjekur gjatë procesit gjyqësor. Në letër, Meta ka përfshirë dhe kreun e Kuvendit Gramoz Ruçi.