Rama: Krisja mund të evitohej, Lleshaj jo ushtarak aktiv

Kreu i qeverisë shprehet i keqardhur se kriza mund të ishte shmangur që më parë "Ju keni shkresën për ta çdekretuar si gjeneral"

Kur mbeten edhe pak ditë nga afati që ka presidenti për t'u shprehur edhe një herë mbi kandidaturën e Sandër Lleshajt, dy institucionet kryesore në këtë debat, Presidenca dhe Kryeministria kanë hyrë në një komunikim zyrtar shkresor, por edhe virtual, i cili dje është bërë publik edhe për mediat. Në fakt, ishte kreu i shtetit, ai që publikoi i pari një kërkesë dërguar Ministrisë së Mbrojtjes për informacione të detajuara mbi Sandër Lleshajn dhe statusin e tij juridik në raport me forcat ushtarake. Në përgjigje të këtij veprimi, jo thjesht të letrës, por të bërit të saj publike nga Presidenca, edhe kryeministri Edi Rama iu përgjigj me të njëjtën mënyrë, duke publikuar në rrjetet sociale përgjigjen që i kishte kthyer si ekzekutiv Metës, por edhe kërkesën e Lleshajt për çdekretim. Rama që në krye të kësaj letre i bën me dije presidentit se nisur pikërisht nga pyetjet e shtruara prej tij, e gjithë kriza e këtyre ditëve do kishte qenë e evitueshme. "Pasi u njoha me shkresën tuaj drejtuar ministres së Mbrojtjes, nuk jua fsheh dot se u ndjeva i keqardhur, për faktin që nëse ju do t'i kishit shtruar qysh në krye të herës, pyetjet që ajo shkresë përmban lidhur me statusin e gjeneral Sandër Lleshajt, me siguri s'do ta kishim përjetuar krisjen e ' herës së parë', në procesin e dekretimit të ministrit të Brendshëm", shkruan Rama në letrën e tij. Më tej, ai thekson se në rast se do ishte vepruar që në fillim në këtë mënyrë, presidenti do kishte krijuar bindjen e plotë, ndërsa sot vendi do kishte një ministër të Brendshëm. "E them këtë, sepse jo vetëm ju do të kishit marrë përgjigjen shteruese që jep, besoj unë, shkresa e ministres për ju, po përtej çdo interpretimi të mundshëm pengues për dekretimin si ministër të statusit të gjeneral Lleshajt, pa diskutim do të kishim gjetur në rast interpretimesh të ndryshme, zgjidhjen e thjeshtë që po ju prezantoj sot", shkruan më tej Rama. Ndërsa e informon Presidentin me aktin e Lleshajt për ta çdekretuar, ai i kujton kreut të shtetit se praktika ligjore, por edhe ajo e vendosur tashmë në vend, është që Lleshaj duhet ta bënte këtë akt vetëm

pasi të dekretohej si ministër. "Ju keni shkresën e zëvendësministrit Sandër Lleshaj për ta çdekretuar si gjeneral aktiv, në rast se ndryshe nga ne që mendojmë se ky nuk është rasti, ju mund të mendoni se statusi i tij

aktual është ai i gjeneralit aktiv. Ekspertët tanë mbrojnë gjithashtu bindjen se çdekretimi i tij si i tillë nga Presidenti i Republikës, do të duhej bërë pas miratimit nga Kuvendi të dekretit tuaj për të si ministër", bën të di- "Jo vetëm ju do të kishit marrë përgjigjen shteruese që jep, besoj unë, shkresa e ministres për ju, po përtej çdo interpretimi të mundshëm pengues për dekretimin si ministër të statusit të gjeneral Lleshajt, pa diskutim do të kishim gjetur në rast interpretimesh të ndryshme, zgjidhjen e thjeshtë që po ju prezantoj sot".

tur Rama në letrën e tij. Gjithsesi, Rama i kujton Metës se tashmë pas këtij akti, ai mund ta çdekretojë Lleshajn si ushtarak i lartë dhe ta dekretojë atë në pozicionin e ministrit të Brendshëm.