Ndërtimi i Unazës, banorët i japin ultimatum bashkisë
Drejtoresha e Strehimit: Kredia e butë apo banesat sociale, mundësi Ruseti: Bonus qiraje për familjet e prekura
Banorët e zonës së ' Un azës së Re' presin sot nga Bashkia e Tiranës përgjigje se çdo të bëhet për kompensimin e shtëpive që preken nga projekti i rrugës. Me thirrje në kor; "Poshtë diktatura, shtëpitë tona janë me gjak. Turp, turp…", protestuesit qëndruan për rreth 1 orë e 30 minuta para bashkisë në pritje të një takimi me kryebashkiakun Erion Veliaj. Por ndërkohë përgjigjja erdhi nga Drejtoresha e Politikave Sociale në Bashkinë e Tiranës, Anisa Ruseti e cila e ftuar në rubrikën ' Opinion' në News24, u shpreh se bashkia do ofrojë bonus qiraje për 1 vit për familjet që preken nga projekti i Unazës së Re. Ruseti u shpreh se është bërë një vlerësim social- ekonomik për familjet e prekura nga projekti dhe se po shihet mundësia se si mund të ndihmohen për një përudhë afatgjatë këto familje. "Unaza e Re është një projekt madhor që prek disa familje dhe biznese. Nga vlerësimi paraprak, bëhet fjalë se Unaza është e ndarë në 5 lote. Ka disa objekte që janë të ndërtuara në mënyrë jo formale dhe me këtë pjesë po merret ALUIZNI. Kemi bërë një vlerësim social ekonomik për familjet e prekura. U kemi treguar se si do ndihmohen këto familje. Ne po diskutojmë për t'u ofruar bonus qiraje për 1 vit për këto familje. Gjatë kësaj kohe do shohim si mund të zgjidhim problemin e tyre për një periudhë afatgjatë. Mund të jenë programe të ndryshme si kredia e butë apo banesat sociale"- tha Ruseti duke shtuar se për bashkinë emergjente është akomodimi i familjeve që preken nga ky projekt. Bashkia do paguajë 100% qiranë për një vit me të drejtë ripërtëritje. Qytetarët janë njoftuar për projektin që preken. Qëllimi ynë është që të gjejmë një zgjidhje edhe për punësimin e tyre. Banorët do kenë kohën e duhur për të gjetur mundësinë e një strehimi. Dëmshpërblimi me vlerën e tregut që kërkojnë banorët ndiqet me VKM për dëmshpërblimet dhe nuk është kompetencë e bashkisë"- përfundoi drejtoresha e strehimit. Për ndërtimin e Un- azës së Re janë evidentuar rreth 317 objekte që do të prishen, 163 prej të cilëve janë në proces legalizimi dhe do të skualifikohen, 123 janë me vërtetime pronësie dhe pastaj për të tjerat nuk kanë asnjë lloj informacioni. Nga projekti i Unazës së Re preket dhe ish- godina e pularisë ku prej vitesh strehohet ish- bashkëshortja e diktatorit Enver Hoxha. Në këtë godinë janë strehuar disa familje pjesë e nomenklaturës komuniste. Asnjë nga banorët përfshi edhe Nexhmie Hoxhën nuk kanë pranuar të marrin letrat për largimin nga shtëpia.