Mbështetja britanike, Basha: Zgjedhja e deputetëve nga baza
PD model konservator britanik në përzgjedhjen e kandidatëve në zgjedhje "S'do lejojmë të inkriminuarit në Kuvend"
Partia Konservatore britanike, do të ofrojë modelin e përzgjedhjes së kandidatëve të Partisë Demokratike në zgjedhje. Kryetari demokrat Lulzim Basha zhvilloi dje një takim me dy anëtarë të Partisë Konservatore, David Jones dhe Matthew Wickers, të cilët e zhvillojnë këtë proces në Angli. Kjo është një frymë e re që lideri demokrat Basha kërkon të sjellë, gjithashtu, për të pastruar parlamentin sipas tij nga persona që nuk kanë lidhje me njerëzit dhe rekordet kriminale. Tashmë, tha Basha po merret përvoja më e mirë në kontinentin europian, ajo e seleksionimit të kandidaturave përpara se ato t'i dërgohen për vlerësim e gjykim anëtarësisë, që është përvoja e Britanisë së Madhe, ajo e konservatorëve britanikë të kryeministres Theresa May. "Po marrim përvojën më të mirë në kontinentin europian dhe në botë të seleksionimit të kandidaturave para se ato të dërgohen për vlerësim dhe gjykim anëtarësisë që është përvoja e Britanisë së Madhe, të Partisë Konservatore të Tereza May. Ndaj jam shumë i kënaqur që kërkesa është vlerësuar dhe ne këtu kemi njeriun që kryeson procesin e përzgjedhjes së kandidaturave të parlamentit britanik", u shpreh z. Basha. Megjithatë edhe nëse këto përgatitje janë në funksion të zgjedhjeve të ardhshme Lulzim Basha refuzoi të përgjigjej nëse PD refuzoi të marrë pjesë në zgjedhje apo do të ketë kandidatët e saj apo të ndarë me partitë e koalicionit. Në zbatim të statusit të partisë, i cili sanksionon se për kandidaturat për kryetar bashkie dhe këshilltarë bashkiakë do të duhet të merret dhe mendimi i anëtarësisë. Modeli britanik, sipas kreut të opozitës, synon seleksionimin e kandidaturave përpara se ato t'i dërgohen për vlerësim anëtarësisë. Përmes kësaj praktike, kreu i demokratëve thotë se synohet që Partia Demokratike të ndryshojë sistemin duke ofruar përvojën më të mirë europiane. Duke theksuar se demokracia shqiptare sot është në një krizë të thellë, për shkak se parlamenti është mbushur me njerëz që nuk përfaqësojnë popullin, apo me njerëz që shpeshherë nuk kanë lidhje as me vetë partitë politike, Basha shënjestroi atë që ai e quajti "organizatë e Rilindjes" që ka kandiduar persona që kurrë nuk kanë qenë anëtarë të
Partisë Socialiste. Basha i quajti ata përfaqësues të bandave dhe krimit të organizuar, sikurse edhe biznesmenë me kredenciale të dyshimta. "Sot demokracia shqiptare ndodhet në një krizë të thellë. Qytetarët shqiptarë shohin se parlamenti është mbushur me njerëz të cilët
nuk i përfaqësojnë, është mbushur me persona të cilët nuk kanë asnjë lidhje, shpeshherë as me partitë politike, të cilët i kanë kandiduar, e kam fjalën në veçanti për organizatën e "Rilindjes" në mesin e të cilës gjenden persona që kurrë nuk kanë qenë anëtar të PS, por janë
përfaqësues të bandave të krimit të organizuar, janë biznesmenë me kredenciale të dyshimta. Ky është problem shkatërrimtar për të sotmen dhe për të nesërmen e Shqipërisë. Dhe kjo duhet të ndalet, kjo duhet të marrë fund. Që të marrë fund Partia Demokratike po kon- "PD po kontribuon në tri drejtime: dekriminalizimi, vetingu në politikë dhe reforma zgjedhore. Në kemi hedhur hapin konkret për ndryshimin statutor për seleksionimin e kandidaturave më pas t'i dërgohen për miratim anëtarësisë sipas Konservatorëve britanikë. Sot kemi këtu njeriun që kryeson procesin e përzgjedhjes së kandidaturave në parlamentin britanik",deklaroi z. Basha.
tribuon në dy drejtime së pari, përmes dekriminalizimit. Së dyti, përmes propozimit tonë përmes vetingut të politikanëve, dhe së treti përmes vetë reformës së partive politike dhe reformës zgjedhore", deklaroi z. Basha. Por kjo fazë parapërgatitore e huazimit të modelit britan-
ik në përzgjedhjen e kandidatëve vjen në një kohë kur demokratët nuk kanë përmbyllur ende zgjedhjet e brendshme në parti, e kur reforma zgjedhore është bllokuar, ndonëse nga beteja elektorale me kundërshtarin në 30 qershor e ndajnë vetëm 7 muaj.