Bashkëpunuan me fashizmin, Koçi: Pasardhësit të kërkojnë falje
Tirana feston ditën e Çlirimit, LSI: "Partizanin çlirimtar" ta quajnë "Ballisti çlirimtar" Rama: Ballistët, sakrifica për çlirimin e Tiranës
Tirana festoi dje 74- vje torin e çlirimit të saj. Kryetari i bashkisë Erjon Veliaj, zv. ministri i Mbrojtjes, Petro Koçi dhe shumë të tjetrë bënë homazhe tek ' Ushtari i Panjohur'. Zv. ministri i Mbrojtjes e quajti me rëndësi të madhe kombëtare Luftën Antifashiste Nacional Çlirimtare dhe u kërkoi pasardhësve të atyre që bashkëpunuan me fashizmin t'i kërkojnë falje popullit, qytetarëve të Tiranës, sepse vetëm kështu mund të arrihet ai që quhet pajtim kombëtar. "Çlirimi i kryeqytetit, 74 vjet më parë kishte një rëndësi të madhe kombëtare e strategjike. Edhe sot e kësaj dite rëndësia e kësaj lufte është shumë e rëndësishme. Është një gjykim dhe vlerësim politik i domosdoshëm. Populli shqiptar në Luftën e Dytë Botërore zgjodhi rrugën e duhur. Mori vendimin e duhur politik e ushtarak për t'iu bashkuar një koalicioni të madh antifashist me armë në dorë për të çliruar vendin. Kuptohet që jo të gjithë shqiptarët zgjodhën këtë rrugë. Ishin vetëm 70 mijë partizanë dhe partizane që u rreshtuan në Ushtrinë Nacional Çlirimtare kur të tjerët zg- jodhën rrugën tjetër. Ata donin që duke bashkëpunuar me fashizmin e nazizmin të mbanin pushtetin politik duke tradhtuar interesat e vendit. Ata nuk luftuan për Shqipërinë e madhe, por të merrnin pushtetin, por populli shqiptar nuk i mbështeti. Ai mbështeti 70 mijë partizanët çlirimtarë", deklaroi z. Koçi. Prandaj sipas tij kjo ditë e Çlirimit të Tiranës është e rëndësishme ndërsa ftoi të gjithë ata që janë pasardhës të atyre që bashkëpunuan me fashizmin t'i kërkojnë falje popullit, qytetarëve të Tiranës se vetëm kështu mund të arrihet ai që quhet pajtim kombëtar. "Lavdi të gjithë atyre që ranë dëshmorë për çlirimin e vendit. Në emër të qeverisë dua të falënderoj Bashkinë e
Tiranës që me lartësinë e duhur politike dhe atdhetare organizon çdo vit këtë ditë të shënuar", theksoi z. Koçi.
PROPOZIMI
Në 74 vjetorin e Çlirimit të Tiranës, nënkryetari i LSIsë, Luan Rama, propozoi që monumentin "Partizanin çlirimtar", aty ku vendosin lule pushtetarët ta quajnë "Ballisti çlirimtar". "Le t'ia ndër-
rojnë edhe emrin monumentit, vepër e skulptorit Andrea Mano, e ta quajnë "Ballisti çlirimtar", në nderim të luftës së madhe dhe sakrificave të panumërta që Mid'hat Frashëri dhe ballistët e tij kanë bërë për çlirimin e Tiranës dhe të atdheut nga pushtuesit nazifashistë!"- shprehet z. Rama. LSI nderoi dje Ditën e Çlirimit të
Tiranës, ku pranë Monumentit të Ushtarit të Panjohur u kryen homazhe nga grupi këshilltarëve bashkiakë dhe deputetëve të LSI Tiranë. Kryetari grupit të këshilltarëve të LSI në Bashkinë e Tiranës, Eltjon Halimi, në një prononcim për mediat theksoi: "Sot, në këtë 74- vjetor të Çlirimit të Tiranës nga pushtuesit nazi- fashistë, ne përkulemi me nderim dhe mirënjohje për luftën heroike të të rinjve dhe të rejave të brigadave partizane, që së bashku me ndihmën dhe përkrahjen e pakursyer të popullit të Tiranës, në 17 nëntor 1944 çliruan kryeqytetin e Shqipërisë! Kjo datë e shënuar, e memories më të mirë të kombit tonë, qe e radhiti atë në anën e drejtë të historisë përkrah aleatëve, apelon si një shembull frymëzues, që ashtu si atëherë patriotët në luftë, edhe ne sot, të kemi në themel të vizionit tonë, vendimmarrjet më të drejta për të ofruar më shumë shërbime dhe të mira publike në interes të të gjithë qytetarëve, komunitetit dhe qytetit tonë të përbashkët. Duke u përkulur gjithmonë me respekt për të rënët e atyre ditëve, ne vlerësojmë përherë traditën tonë atdhetarë dhe demokratike! Mirënjohje përjetë luftëtarëve të Lirisë!"