Unaza e Re, Kryemadhi: Projekti vjedh paratë e shqiptarëve, s'do ta tolerojmë

Kryetarja e LSI: Rama të mos u afrohet banesave

Kryetarja

e LSI, Moni ka Kryemadhi iu bashkua dje protestës së banorëve të Astirit, shtëpitë e bizneset e të cilëve preken nga ndërtimi i Unazës së Re. Me projektin në dorë Kryemadhi shpjegoi arsyet se përse ky investim është abuziv. "Kjo është vija e kuqe që spostohet për të zgjeruar rrugën. Këtu shkon me ishull gjelbërimi dhe rrugë ku kalojnë makinat sot edhe është spostuar 20 e ca metra në pronat e qytetarëve. Ndërkohë po të shikoni këtu, këtu nuk ka as ishull dhe as rrugë, por ka një pronë, pronari i të cilës është Damian Gjiknuri",deklaroi znj. Kryemadhi. Ajo garantoi banorët se LSI do të jetë në mbësh- tetje të tyre në këtë proces, ndërsa i kërkoi kryeministrit t'i dëmshpërblejë 100%. "Duhet t'i dëmshpërblejë se këta njerëz kanë 22 vjet që paguajnë. Kjo është shumë e turpshme dhe ky është mallkim dhe mallkimi i fukarait të zë 7 breza. Kryemadhi i bëri thirrje Ramës që të mos afrohej dhe të prish banesat pa dëmshpërblim. "Projekti në të cilën Edi Rama në unazën e re, do të vjedh paratë e shqiptarëve. Pronat e shqiptarëve, nuk i konsiderojnë. Ja ku është një pallat që i shikoni, nuk s'postohet rruga 10 metra, por zgjerohet këtej nga fukarenjtë dhe hallexhinjtë. Edi Rama duket ta kuptojë shumë, se shqiptarët e toleruan me votën. Po i bëj thirrje, atij një, Afrim Qendros 2 dhe kompanive që duan të ndërtojnë rrugë, të mos afrohen këtu. Këta qytetarë nuk kanë për të toleruar, këta që po shkatërrojnë banesat, për të fituar lekë. Ky njeri duhet t'i dëmshpërblejë se kanë 27 vjet që paguajnë taksat", theksoi Monika Kryemadhi.