PE mbështet negociatat, Fleckenstein: Kryeni reformën zgjedhore

Parlamenti Evropian voton pro integrimit të Shqipërisë, kundër raportit 112 vota "Tirana të përmbushë detyrat e shtëpisë" LSI: Problem mbetet reforma zgjedhore

Gazeta Shqiptare - - INTEGRIMI - Valentina Madani

Parlamenti Evropian mbështet idenë e hapjes së negociatave për Shqipërinë në verën e vitit 2019, ndërsa rezoluta e hartuar nga raporteri Knut Fleckenstein mori dje 459 vota pro, 112 kundër dhe 62 abstenime. Dokumenti i hartuar nga eurodeputeti vë në dukje progresin e vendit tonë në fushat prioritare, por nënvizon gjithashtu rëndësinë e mbajtjes së kësaj ecurie pozitive, e sidomos në reformën në drejtësi si dhe luftën kundër krimit të organizuar dhe korrupsionit. Brukseli pranon se Shqipëria ka bërë progres në rrugën e integrimit europian, por institucionet e pavarura në arkitekturën e re të drejtësisë duhet të jenë funksionale dhe lufta kundër krimit të organizuar dhe korrupsionit duhet të vijohet me rezultate të mëtejshme konkrete. Ky është mesazhi që dhanë 3 institucionet kyçe europiane gjatë debatit në seancën plenare të Parlamentit Europian mbi progresin e integrimit europian të Shqipërisë në 2018. Në prezantimin e raportit gjatë debatit, Fleckenstein deklaroi se tashmë Këshilli i Bashkimit Europian duhet të mbajë fjalën e dhënë në qershor dhe duhet të miratojë çeljen e procesit negociator për anëtarësimin e Shqipërisë. Megjithatë, porositë e tij nuk munguan as për Tiranën zyrtare, ku kërkohet që të përmbushen detyrat e shtëpisë. Ngritja e institucioneve të reja të drejtësisë mbetet për BE- në një çështje thelbësore. Kjo rezolutë përshëndet progresin që është bërë nga Shqipëria, në kuadër të 5 prioriteteve kyçe të përcaktuar nga Komisioni Europian për hapjen e negociatave të anëtarësimit të vendit. Rezoluta nënvizon veçanërisht fillimin e procesit të vlerësimit të gjyqtarëve dhe prokurorëve, vetingu, duke e konsideruar si fryt të parë të domosdoshëm të zbatimit të reformës në drejtësi.

REFORMAT

Në raportin e përgatitur nga Knut Fleckenstein me 48 pika dhe që mori aprovimin e eurodeputetëve njihen përpjekjet e Shqipërisë për re-

formën në drejtësi dhe progresin drejt finalizimit të hapjes së negociatave. Raportuesi për Shqipërinë në Parlamentin Europian, eurodeputeti gjerman, Knut Fleckenstein mbështet fuqishëm hapjen e negociatave me BE, por për "Deutsche Welle"- n, shprehet se "me keqardhje e shoh se kjo nuk është bërë dhe shpresoj shumë për një zhvillim pozitiv menjëherë pas zgjedhjeve europiane". I pyetur nëse zgjedhjet europiane mund ta paralizojnë

procesin e integrimit të Ballkanit në BE, në rast të shtimit të forcave djathtiste, Fleckenstein thekson: "Forcat e djathta, antieuropiane janë forcuar ndjeshëm në vendet e Bashkimit Europian. Kjo do të reflektohet me shumë gjasa edhe në përbërjen e parlamentit të ri. Por unë pres që edhe pas zgjedhjeve europiane të kemi një mazhorancë të qartë për politikën pro zgjerimit të BE- së". Për eurodeputetin gjerman, Knut Fleckenstein deri në atë

kohë, Shqipëria duhet të përgatitet dhe të zgjerojë procesin e reformave. Shprehimisht Knut Fleckenstein përmend reformën zgjedhore që Shqipëria duhet ta kryejë. Por, edhe "një parlament konstruktiv dhe i besueshëm është i pazëvendësueshëm jo vetëm përsa i përket procesit të reformave, prandaj si opozita dhe mazhoranca qeverisëse janë të thirrura që të përballen së bashku për këto sfida", theksoi Fleckenstein për "Deutsche Welle"- n.

Raporteri Knut Fleckenstein

Newspapers in Albanian

Newspapers from Albania

© PressReader. All rights reserved.