Të majtët festojnë 29 Nëntorin, Meta dhe Rama shmangin njëri- tjetrin
Presidenti dhe kryeministri kanë bërë homazhe bashkë, por nuk janë takuar Festime të vakëta për Ditën e Çlirimit
Edhe këtë vit politika ka festuar e ndarë 29 Nëntorin, ditën e Çlirimit të Shqipërisë nga regjimi nazi- fashist. Ashtu si edhe herët e tjera, opozita e djathtë nuk festoi, duke mos e njohur 29 Nëntorin si ditë çlirimi dhe duke e konsideruar atë si një ditë të errët për vendin, ndërsa të majtët ndonëse me dallime mes tyre, kanë kujtuar edhe këtë vit kontributin që dhanë mijëra shqiptarë që luftuan për çlirimin e vendit nga pushtuesit. E për t'i dhënë rëndësinë e duhur edhe këtë vit Protokolli i Shtetit kishte organizuar një ceremoni solemne në Varrezat e Dëshmorëve. Të parët që mbërritën ishin veteranë lufte e të afërm të dëshmorëve të Atdheut, ndërsa në hyrje forcat e Gardës kishin marrë masat që mos të hynin brenda komunistët dhe ithtarët e diktatorit Enver Hoxha. Nga drejtuesit shtetëror mbërritën me radhë kreu i Bashkisë së Tiranës, Erion Veliaj e pas tij kryetari i Kuvendit Gramoz Ruçi e Ilir Meta. Por që të fillonte ceremonia atyre u është dashur të presin pak minuta deri sa mbërriti edhe kryeministri, Edi Rama. Por edhe pse tashmë konsiderohet një krizë e tejkaluar mes presidentit dhe kryeministrit, u vu re sërish se marrëdhëniet e tyre mbeten të ftohta. Rama nuk ia ka zgjatur dorën asnjërit prej tyre, duke shmangur kështu edhe takimin me Metën. Por kjo është vënë re më së miri nga kreu i Kuvendit Gramoz Ruçi dhe kryebashkiaku Veliaj, madje ky i fundit për t'i nxjerrë të gjithë nga një situatë aspak e këndshme ka nxituar t'i ftojë ata që të vazhdonin me ceremoninë, pasi tashmë gjerat ishin gati.
HOMAZHET
Nën tingujt e Bandës së Ushtrisë të gjithë drejtuesit e shtetit kanë bërë homazhe me radhë, duke vendosur kurora me lule në nderim të veprës së atyre që luftuan për çlirimin e vendit. I pari ishte presidenti Meta, pastaj kryeparlamentari Ruçi, kryeministri Rama, kryetari i Bashkisë së Tiranës, Veliaj e kështu me radhë. Më pas ata kanë përshëndetur veteranët e pranishëm dhe kanë shmangur urimet e rastit nëpërmjet mediave, ndërsa janë mjaftuar vetëm me një urim në rrjetet sociale.
"Gëzuar 29 Nëntorin! Mirënjohje për të gjithë partizanët, heronjtë dhe dëshmorët e Luftës Antifashiste Nacional- Çlirimtare, të cilët sakrifikuan gjithçka për çlirimin e Shqipërisë. Lavdi të përjetshme!", uroi kreu i sh- tetit nëpërmjet ' Facebook'. Po ashtu edhe kryeministri u mjaftua vetëm me një mesazh të shkurtër po në rrjetet sociale. "Gëzuar Ditën e Çlirimit. Lavdi dëshmorëve të Atdheut", uroi shkurt Rama. Ndërkohë që ashtu si edhe para se të niste ceremo- "Gëzuar 29 Nëntorin! Mirënjohje për të gjithë partizanët, heronjtë dhe dëshmorët e Luftës Antifashiste NacionalÇlirimtare, të cilët sakrifikuan gjithçka për çlirimin e Shqipërisë. Lavdi të përjetshme!",uroi kreu i shtetit. nia, edhe në largim Meta dhe Rama e kanë shmangur sërisht shtrëngimin e duarve mes tyre, çka, në fakt, nuk ka munguar mes Metës dhe Ruçit, duke konfirmuar edhe një herë marrëdhëniet shumë të mira që ekzistojnë mes tyre.