Merkel kundër zgjidhjes ushtarake mes Rusisë e Ukrainës
Incidenti në det me marinarët, Vladimir Putin fajëson Kievin Prag lufte? Poroshenko kërkon ndihmën e NATOS- s
Pas rrëmbimit të 24 marinarëve nga Rusia Kancelarja gjermane Angela Merkel është shprehur kundër një zgjidhjeje ushtarake për konfliktin mes Rusisë dhe Ukrainës. Përgjigjja e saj vjen pas kërkesës së Presidentit të Ukrainës, Poroshenko, i cili i bëri thirrje NATO- s të ndërhyjë dhe të dërgojë anije në detin Azov. Tensionet mes dy vendeve u rritën të dielën kur Rusia qëlloi 3 anije ukrainase. Kancelarja Merkel thotë se kjo krizë është shkaktuar krejtësisht nga veprimet e presidentit rus. Megjithatë, ajo shtoi se çështje të tilla duhet të zgjidhen vetëm me dialog dhe jo ushtarakisht. Presidenti Putin ka akuzuar Presidentin ukrainas Poroshenko për provokim lidhur me incidentin që ndodhi në det. Sipas Putin, Presidenti Poroshenko kërkon vëmendjen para zgjedhjeve të vitit 2019 dhe këtë situatë do ta përdorë për politikën e brendshme. Në kundërpërgjigje të agresionit rus, presidenti ukrainas ka vendosur ligjin ushtarak për 30 ditë në pikat kufitare të Ukrainës. Ndërkaq më parë Ukraina ka kërkuar ndihmën e NATO- s për t'u mbrojtur nga Rusia. Në një intervistë për të përditshmen gjermane Bild, presidenti Petro Poroshenko i bëri thirrje aleancës të dërgojë anije luftarake në detin Azov në ndihmë të forcave ukrainase. "Shpresojmë që vendet e NATO- s të jenë të përgatitura për të dërguar anije në detin Azov në mbështetje të Ukrainës dhe të garantojnë sigurinë për ne". Ukraina nuk është pjesë e aleancës së Atlantikut Verior. Poroshenko akuzon Putinin se po përpiqet të ringjallë Perandorinë Ruse dhe ta shndërrojë Ukrainën në koloni të saj. "E vetmja gjuhë që Putin kupton është solidariteti i vendeve perëndimore. Politikën agresive të Rusisë nuk mund ta pranojmë. Në fillim ishte Krimeja, pastaj lindja e Ukrainës dhe tani ai kërkon detin Azov". Sipas marrëveshjeve të mëparshme mes Ukrainës dhe Rusisë, në ngushticën e Kerçit ku ndodhi incidenti, është i lejueshëm kalimi i anijeve të të dyja palëve. Por pas aneksimit të Krimesë nga
Rusia në 2014- ën, Moska kontrollon edhe hapësirën detare përreth gadishullit. NATO dhe vendet perëndimore mbështesin plotësisht Ukrainën. Por Bashkimi Europian është shprehur kundër shtimit të sanksioneve ndaj Rusisë pavarësisht
se në Shtetet e Bashkuara po diskutohet kjo alternativë. Ndërsa presidenti i Rusisë, Vladimir Putin, fajësoi Kievin për një konfrontim, në të cilin roja bregdetare ruse hapi zjarr ndaj anijeve të Ukrainës, duke aneksuar tri anije dhe duke kapur dh-
jetëra marinarë. Putin tha se Ukraina e provokoi qëllimisht përplasjen dhe se ajo është përpjekje e presidentit ukrainas, Petro Poroshenko, për të rritur popullaritetin e tij, përpara zgjedhjeve presidenciale që do të mbahen në mars.