ISH- KAPITENI I SKËNDERBEUT

Shkëmbi rikthehet në Korçë si kundërshtar

Blendi

Shkëmbi rik thehet në Korçën e tij, kësaj radhe si kundërshtar. Ish- kapiteni dhe lideri i Skënderbeut të suksesshëm, e ndërpreu karrierën e tij si futbollist një sezon më parë për t'iu përkushtuar asaj të trajnerit, fillimisht te Liria e Prizrenit dhe sot te Teuta. Pikërisht në krye të durrsakëve, Shkëmbi i shkaktoi humbjen e parë Skënderbeut në javën e gjashtë të kampionatit dhe që u lejoi bregdetarëve të rifillon më pas ringritjen, ku në 8 javët e fundit kanë koleksinuar 5 fitore, dy barazime dhe një humbje, humbje që erdhi ndaj Partizanit kryesues. Pra, me pak fjalë, Teuta arriti të krijojë një identitet të sajin, çka e katapultoi në vendin e tretë të renditjes me 25 pikë, 5 më pak sesa Skënderbeu i vendit të dytë, ndaj të cilit do të ndeshet ditën e shtunë në Korçë, një sfidë e gjitha për t'u shijuar, pasi edhe skuadra e Orges Shehit, durrsakut që është në krye të kampionëve, dhe që do të kërkojë, gjithashtu, sikundër edhe Bledi Shkëmbi, suksesin ndaj qytetit të tij.