"Unaza", Basha: Projekti, pastrim ndërkombëtar parash
Kreu i PD: Në tenderin korruptiv, të përfshira të gjitha institucionet e shtetit "Duan të vjedhin 18 mil euro në dorë"
Banorët e Unazës së Re në kryeqytet dolën sërish dje në protestë, duke kundërshtuar prishjen e banesave të tyre, siç e parashikon projekti për Unazën e Madhe. Në ditën e 34- të protestës, banorët janë vendosur në dy anët e rrugës pranë mbikalimit te pallati me shigjeta, duke bllokuar qarkullimin e mjeteve. Paralelisht me atë në Unazën e Re, protesta u zhvillua edhe në Shkozë, ku banorët bllokuan rrugën. Ata janë kundër prishjes së banesave të tyre, siç e parashikon projekti për ndërtimin e Unazës së Madhe. Banorët bllokuan qarkullimin e automjeteve, si dhe u vunë flakën kazanëve të plehrave. "Duam shtëpitë tona! Nuk duam probleme me policinë! Duam dëmshpërblim!", tha një prej banorëve. Tashmë me pezullimin e punimeve për lotin nr. 1 të segmentit të Unazës së Madhe, që shtrihet nga Ura e Lanës deri te mbikalimi i sheshit "Shqiponja", banorët e "Astirit" ishin më të motivuar në ditën e 34 të protestës së tyre.
MBËSHTETJA
Kreu i PD- së, Lulzim Basha, iu bashkua sërish dje protestës së banorëve të "Astirit" kundër shembjes së shtëpive të tyre nga projekti i Unazës së Re. Pasi Prokuroria nisi hetimet lidhur me tenderin për këtë projekt, lideri demokrat tha se një gjë të tillë PD e ka paralajmëruar që prej dy muajsh se ishte një projekt vjedhjeje e jo zhvillimi. Sipas tij, ky projekt është pastrim ndërkombëtar parash. "Donte të vidhte 18 milionë euro për t'i çuar në Amerikë. Se çfarë do të bënte me këto para, do ta marrim vesh edhe këtë. Qëndresa dhe bashkimi funksionojnë dhe e zmbrapsin hajdutërinë. Zgjidhja politike është ngritja dhe bashkimi i qytetarëve për të shembur këtë sistem që nuk ka asnjë lidhje as me demokracinë dhe as me ekonominë e tregut", tha Basha. Ai akuzoi se në tenderin korruptiv janë të përfshira të gjitha institucionet e shtetit. "E vërteta triumfoi, vjedhje dhe pastrim parash ku janë përfshirë të gjithë institucionet e shtetit, prokurimet publike, ARRSH, Ministria e Transportit, Bashkia e Tiranës, Policia Ndërtimore. Të gjithë këta bashkë i lidh Edi Rama. Do jemi në krah të këtyre njerëzve derisa të garantojmë të drejtat e tyre, shtëpitë e tyre, anulimin dhe hetimin e plotë të këtij tenderi korruptiv dhe vënien para ligjit të gjithë personave përgjegjës nga kryeministri deri te nëpunësi më i
thjeshtë dhe çdo person tjetër i përfshirë në këtë aferë të tmerrshme", deklaroi z. Basha. Më herët nga selia blu, z. Basha kërkoi që Autoriteti Rrugor Shqiptar të dalë para drejtësisë, ndërsa sipas tij, faktet e publikuara i nxorën maskën e vërtetë të Edi Ramës. "Është e qartë për të gjithë se projekti i Unazës është një
vjedhje dhe jo një zhvillim. Sot të gjithë po shohin Ramën e vërtetë pa maskë dhe fasadë. Arroganca, dhuna dhe këmbëngulja mizore dymujore për të nxjerrë nga shtëpitë qytetarët frymëzohet nga makutëria për para. Ne kemi dy muaj që e themi çdo ditë këtë gjë, pavarësisht se helmimi i propagandës i ka penguar qytetarët të shohin "Është e qartë për të gjithë se projekti i Unazës është një vjedhje dhe jo një zhvillim. Sot të gjithë po shohin Ramën e vërtetë pa maskë dhe fasadë. Arroganca, dhuna dhe këmbëngulja mizore dymujore për të nxjerrë nga shtëpitë qytetarët frymëzohet nga makutëria për para. Ne kemi dy muaj që e themi çdo ditë këtë gjë, pavarësisht se helmimi i propagandës i ka penguar qytetarët të shohin të vërtetën", - tha Basha.
të vërtetën. Sot të gjithë po shohin Ramën pa maskë, një hajdut që për të mbushur xhepat e tij është i gatshëm të flakë në rrugë pleq e fëmijë. Mbrëmë këto fakte tronditëse u shfaqen në emisionin ' Të Paekspozuarit'. ARRSH e Ramës duhet të dalë e gjitha para drejtësisë. Të gjitha koncesionet janë akte korrupsioni", - tha Basha.