Trafik kokaine me çantë "Guçi", përfundojnë në pranga 4 persona
Operacioni i koduar "FLEX", sekuestrohet drogë, pranga dhe armë të ftohta
Katër persona kanë përfunduar në pran gat e policisë së Tiranës, ndërsa është sekuestruar 1 kg kokainë brenda një çante ' Guçi'. Mësohet se Seksioni për Hetimin e Narkotikëve në bashkëpunim me Seksionin e Forcës së Posaçme të Operacioneve Speciale dhe Prokurorinë e Rrethit Gjyqësor Tiranë, në kuadër të operacionit policor të koduar "FLEX", arrestuan në flagrancë shtetasit: Julian Zela, 36 vjeç; Sajmir Hoxha, 44 vjeç; Besnik Mansaku, 43 vjeç dhe Rezart Hoxholli, 36 vjeç, të gjithë banues në Tiranë. Sipas bluve, për këta persona disponohej informacion se në bashkëpunim me njëri- tjetrin merreshin me aktivitetin e kundërligjshëm të shitjes së lëndës narkotike të llojit "kokainë". "Këta shtetas janë konstatuar nga shërbimet e policisë në rrugën "Janko Theodhosi" dhe gjatë kontrollit të ushtruar, shtetasit J. Z., i është gjetur brenda një çante dore një qese me lëndë të dyshuar narkotike të llojit "kokainë". Gjithashtu, janë ushtruar kontrolle në banesat e këtyre shtetasve ku janë sekuestruar një palë pranga dhe një mjet prerës",thuhet ndër të tjera në njoftimin zyrtar të policisë. Ndërkaq, po të njëjtat burime bënë me dije se gjatë operacionit në fjalë është sekuestruar në total ( nga kontrolli fizik dhe kontrolli i ushtruar në banesat e shtetasve të mësipërm): 1 kg lëndë narkotike e dyshuar e llojit "kokainë"; mjet prerës ( thikë); 4 aparate celular dhe pranga. Materialet në ngarkim të katër shtetasve të arrestuar iu referuan për hetime të mëtejshme Prokurorisë së Rrethit Gjyqësor Ti- ranë për veprat penale: "Prodhimi dhe shitja e lëndëve narkotike e kryer në bashkëpunim", "Prodhimi dhe mbajtja pa leje e armëve të ftohta" dhe "Mbajtja pa të drejtë e uniformës".
PERSONAT E ARRESTUAR