Nga pezullimi 24 orë te mbyllja përfundimtare, ja masat për portalet
Rregullimi
i fushës ku do të veprojnë mediat online në Shqipëri nuk do të bëhet vetëm nëpërmjet kërkesës për të bërë përgënjeshtrime prej tyre, por edhe me një sërë masash administrative që do të detyrojnë një media të këtij lloji të jetë e vërtetë dhe etike. Kështu për shkeljet e kryera nga ofruesit e shërbimeve të publikimeve elektronike, AMA kërkon nga Autoriteti i Komunikimit Elektronik dhe Postar ( AKEP) marrjen e masave plotësuese dhe që nisin që nga bllokimi aksesit në internet për një afat 24 orësh, si masë paralajmëruese dhe deri në bllokimin e përhershëm të një webi nëse ai në mënyrë të përsëritur shkel rregullat që përcakton ky projektligj. Më konkretisht për portalet e regjistru- ara në AKEP
AMA mund të kërkojë pezullim ose bllokim të aksesit ne internet, për një afat 24 orë, nëse brenda një viti kalendarik ka kryer 3 ( tre) kundërvajtje administrative, pezullim ose bllokim të aksesit në internet për një afat 7 ( shtatë)- ditor, nëse brenda një viti kalendarik ka kryer jo më pak se katër kundërvajtje administra- tive dhe pezullim ose bllokim të aksesit në internet për një afat njëvjeçar, nëse brenda një viti kalendarik ka kryer jo më pak se 5 kundërvajtje administrative. Akoma të rrepta janë sanksionet për portalet e regjistruara jashtë Shqipërisë. Për to parashikohet bllokimin e aksesit të shërbimit të publikimit elektronik ne territorin e Republikës së Shqipërisë, për një afat 24 orësh, nëse nuk marrin në shqyrtim ankesat e përcjella prej Këshillit të Ankesave, më shumë se tre herë gjatë një viti kalendarik dhe bllokimin përfundimtar nëse nuk marrin në shqyrtim ankesat e përcjella prej Këshillit të Ankesave, më shumë se katër herë gjatë një viti kalendarik. Gjithashtu në këtë draft parashikohet që për disa shkelje të vendosen edhe gjoba nga 100 mijë lekë të rinj deri në 1 milion lek të rinj.