Cakaj, sërish te Meta për ministër. Rama: E sulmojnë se është i pastër
Kreu i qeverisë ka sulmuar ashpër presidentin: Genti, 1 mijë herë më i ditur se ti “Refuzimi, jo vetëm antikushtetues, po edhe i turpshëm”
Gent Cakaj do jetë sër ish propozimi i kryeministrit Edi Rama për të qenë ministër i Europës dhe Punëve të Jashtme të Shqipërisë. Pavarësisht refuzimit që i bëri dje Presidenti i Republikës, Ilir Meta, Rama pritet t'i çojë sërish Cakajn si kandidat për ministër. Këtë e la të kuptojë dje në mbrëmje vetë kryeministri gjatë takimit të përvitshëm me diplomatët e huaj të akredituar në Tiranë, ku nuk iu shmang as debatit për kandidaturën e Cakajt. "Më vjen keq që i ardhuri ynë nga Prishtina e ka nisur rrugëtimin e tij si ministër në pazakonshmëri. Paragjykimet, balta dhe mllefi i injorantëve kanë bërë që të gjykohet pa e hapur ende gojën", - u shpreh në fjalën e tij. Ndërkohë që ka sulmuar presidentin se iu kthye avazit të vjetër, ai ka mbrojtur propozimin e tij për ministër të Jashtëm, ndërsa ka theksuar se ai sulmohet vetëm sepse është i pastër. Rama sqaroi edhe njëherë se argumenti që ka përdorur kreu i shtetit se Cakaj ka mbrojtur idenë e ndryshimit të kufijve mes Kosovës dhe Serbisë nuk qëndron. "E kanë sulmuar dhe shkelur dinjitetin e tij, sepse është i pastër dhe nuk i përket llumit tonë të vjetër. Sepse nuk mund të akuzohet për asgjë. Sepse është shumë i pastër, se si kosovar nuk mund të bëhet ministër. Unë nuk kam zgjedhur Gent Cakajn, as si kosovar, as si i ri, por si një shqiptar europian. Fillimisht ia nisi si këshilltar dhe më pas si zv. ministër. Ai kurrë nuk ka shprehur asgjë që bie ndesh me politikën tonë të jashtme. Kush e thotë ose është keqdashës, ose është keqlexues. S'ka predikuar kurrë ndryshime kufijsh në Ballkan e as ka ndërhyrë në një çështje si ajo e Kosovës dhe Serbisë", - tha Rama.
DEBATI
Menjëherë sapo kreu i shtetit publikoi dje vendimin e tij të refuzimit shoqëruar edhe me argumentet përkatëse, kryeministri Edi Rama larg çdo komunikimi etik dhe institucional, siç është përpjekur të jetë deri më sot në raport me Institucionin e Presidentit, ka bërë një sërë reagimesh të ashpra me objekt pikërisht Presidentin e Republikës. Në reagimin e tij të parë, ai e konsideroi si të turpshëm refuzimin e Metës dhe mbi të gjitha, antikushtetues. Sipas tij, argumentet e dhëna
META
"Pavarësia, integriteti territorial i Kosovës dhe vendimi i Gjykatës Ndërkombëtare të Drejtësisë janë të padiskutueshme për Republikën e Shqipërisë deri në sekondën e fundit si president i vendit tim".