Baton Haxhiu, letër Ilir Metës: Refuzimi i Gent Cakajt, gabim historik
"Po gabon shumë dhe mos shko ma tutje"
Pas
vendimit të Presidentit të Shqipërisë, Ilir Meta për të mos dekretuar Gent Cakajn në postin e ministrit të Jashtëm, "Klan Kosova" publikon një letër të gazetarit Baton Haxhiu, njëkohësisht drejtuesi i këtij televizioni. Ai thekson në letër se është gabim historik mosdekretimi i Cakajt si ministër, megjithëse Presidenti Ilir Meta ka sqaruar me detaje vendimin e tij. Gent Cakaj është thënë gjerësisht në media se është propozuar nga Baton Haxhiu, i cili njihet për miqësinë e tij me Edi Ramën. Pas këtij refuzimi, Haxhiu deklaron se e konsideron aktin e presidentit
Meta "një veprim ta padenjë dhe antihistorik". "Sipas Kushtetutës të Shqipërisë, rrjedhimisht, për dekretimin e ministrave të propozuar, roli yt, Ilir, është thjesht ceremonial.
Në rast se do të shfrytëzosh zbrazëtitë në sistemin gjyqësor të Shqipërisë për llogari ditore politike dhe i ndikuar nga vala e paparë e thashethemeve të ditëve të fundit, Ilir, jo vetëm që nuk do të mundësoni emërimin në detyrë të një njeriu që përfaqëson shpresë në shoqëri dhe sjell dije në institucione, por në fakt, do të vulosni ndarjen e thellë institucionale midis Kosovës dhe Shqipërisë. Midis shqiptarëve të Kosovës dhe Shqipërisë", shprehet z. Haxhiu. Ai përmend se: "Duke besuar se emri, të cilin mban mbi tryezë, për ministër për Evropën dhe Punët e Jashtme paraqet cilësinë më të lartë për këtë detyrë dhe duke mbetur me shpresë se do të ngrihesh përmbi politikat ditore, interesat e ngushta dhe logjikën feudale ku është mbërthyer Shqipëria dhe Kosova, unë, miqësisht, të kërkoj dekretimin sa më të shpejtë të kryediplomatit më të merituar të Shqipërisë. Ilir! Dëgjoje mirë çka po të thotë Batoni: Po gabon shumë dhe mos shko ma tutjeshëm në këtë gabim historik!".
DEKLARATA
Z. Haxhiu deklaron se e konsideron aktin e Presidentit Meta "një veprim ta padenjë dhe antihistorik". "Ilir! Dëgjoje mirë çka po të thotë Batoni: Po gabon shumë dhe mos shko ma tutjeshëm në këtë gabim historik!", shprehet z. Haxhiu.