PD paralajmëron policinë: Qëndroni larg universiteteve!

Partia

Demokratike akuzon kryeministrin Edi Rama se po përdor politikisht policinë për të kërcënuar, shantazhuar dhe ushtruar presion ndaj studentëve. Deputetja Albana Vokshi deklaroi se, "narkopolicia nuk duhet të guxojë të prekë studentët paqësorë dhe as të dhunojë mjediset universitare". Vokshi përmendi se ligji e ndalon rreptësisht hyrjen e policisë në fakultete. PD paralajmëron kryeministrin dhe veglat e tij në polici se do të paguajnë për kërcënimet e tyre për arrestimin apo ndjekjen penale të studentëve. "PD dënon me ashpërsi këtë akt të paprecedentë në Shqipëri dhe paralajmëron të gjithë ata që urdhërojnë presionin policor ndaj studentëve se herët apo vonë do të përgjigjen para ligjit. Narkopolicia nuk duhet të guxojë të prekë studentët paqësorë dhe as të dhunojë mjediset universitare. Ligji për Arsimin e Lartë e ndalon rreptësisht hyrjen e policisë në fakultete, përveçse kur prania e tyre kërkohet nga drejtuesit në rastet e krimeve flagrante. Ligji siguron ' ndëshkimin për cenimin e paprekshmërisë së institucioneve të arsimit të lartë'. Deri tani, organet e drejtësisë nuk kanë ndërmarrë asnjë vep- rim për të ndëshkuar shkeljen e hapur të paprekshmërisë territoriale të universiteteve nga narkopolicia politike e Edi Ramës. Gjithashtu, PD dënon deklaratën kërcënuese të policisë, të shkruar nga Edi Rama dhe paralajmëron kryeministrin dhe veglat e tij në polici se do të paguajnë për kërcënimet e tyre për arrestimin apo ndjekjen penale të studentëve", - shprehet zj. Vokshi.