Kryeministri kosovar takon drejtorin Berisha, buxheti i 2019- ës llogaritet 2.3 mld euro
Haradinaj: Dogana ka mbledhur mbi 65% të buxhetit të Kosovës
Kryeministri
i Kosovës ka thënë se doganat e Kosovës kanë mbledhur të hyra mbi 65 për qind të buxhetit të shtetit. "Është me rëndësi të theksohet se dogana si institucion ka mbledhur për buxhetin e vendit mbi 65 për qind të buxhetit në total. Janë 582 pjesëtarë të agjencisë së doganave dhe misioni i tyre është me të vërtetë i rëndësishëm. Pra, nuk është vetëm punë e zakonshme; është buxheti, është siguria kombëtare, por janë edhe të gjitha ato informatat e nevojshme për trendet ekonomike", ka thënë Haradinaj në një komunikatë drejtuar mediave. Këto komente Haradinaj i ka bërë gjatë një vizite që ka zhvilluar në doganat e Kosovës, ku është takuar me drejtor-
RAMUSH HARADINAJ
"Është me rëndësi të theksohet se dogana si institucion ka mbledhur për buxhetin e vendit mbi 65 për qind të buxhetit në total. Janë 582 pjesëtarë të agjencisë së doganave dhe misioni i tyre është me të vërtetë i rëndësishëm. Pra, nuk është vetëm punë e zakonshme, është buxheti, është siguria kombëtare, por janë edhe të gjitha ato informatat e nevojshme për trendet ekonomike", është cituar të ketë thënë Haradinaj.
in e përgjithshëm e këtij institucioni, Behri Berisha. Në anën tjetër, drejtori i doganës, Bahri Berisha ka
thënë se e ka informuar kryeministrin Haradinaj për punën që ka bërë ky institucion gjatë vitit 2018, si dhe për "të arriturat që i kanë pasur në fushën e të hyrave, luftën e ekonomisë informale, krimit transkufitar të kontrabandës, por edhe shumë procese, siç janë reformat që është duke zhvilluar dogana", është bërë e ditur në komunikatë. Në këtë vizitë Haradinaj ishte i shoqëruar nga ministri i Financave, Bedri Hamza, i cili ka deklaruar: "Doganat janë prej kontribuuesve më të mëdha të buxhetit të Kosovës. Dy institucionet që kontribuojnë me më së shumti të hyra në buxhetin e shtetit janë doganat e Kosovës dhe administrata tatimore. Buxheti për vitin 2019, i cili pret miratimin në leximin e dytë në Kuvend, vlerësohet se do të jetë 2,3 miliardë euro".