Britani, vizitohet për sytë, por del me tumor në tru 19- vjeçarja

Shkoi

tek mjeku për të bërë një vizitë të syve, por mësoi se kishte kancer në tru. Një 19vjeçare është shokuar teksa mjekët i kanë thënë se ka disa tumore në tru. Laura Nuttall, nga Lancashire, Britani në fillim mendoi se kishte grip, por kur iu nënshtrua një vizite sysh, mjekët vunë re një ënjtje të pashpjegueshme në nervin e saj optik. Më pas doktorët e rekomanduan të bënte dhe disa analiza të tjera. Laura Nuttall telefonoi nënë e saj Nicola dhe shkuan në spitalin Homerton, ku dhe morën lajmin shkatërrues se ajo kishte dy tumore. E reja iu nënshtrua edhe një skaneri të detajuar dhe mjekët zbuluan se ajo kishte dhe disa tumore të tjerë, jo vetëm 2 sikurse i kishin thënë në fillim. "Jemi shkatërruar si familje, Laura kishte gjithë jetën përpara dhe tani po përballet me një sfidë shumë të rëndë. Ne po përpiqemi të jemi pozitivë, por është e pamundur", ka thënë nëna e saj, shkruan "Daily Mail". Nicola po bën gjithçka që mundet për të ndihmuar Laurën që ta largojë sadopak mendjen nga sëmundja. Në ditëlindjen e 19- të në dhjetor, ajo vizitoi lojtarët e klubit të futbollit të Evertonl ku u takua me ata, përfshi dhe portierin Jordan Pickford. "Po provoj gjithçka për të ndihmuar që Laura të ndihet pozitive. Ne po bëjmë aq sa mundemi", ka thënë Nicola. Laura iu nënshtrua kimioterapisë gjatë muajit dhjetor në spitalin Chrisstie në Mançester, por edhe në muajt në vijim do të vazhdojë seanca të tjera. Familja e saj po mendon që ta dërgojë atë në SHBA, për t'iu nënshtruar disa seancave kimioterapie. Gjithashtu, ata kanë nisur një fushatë për të mbledhur fonde që Laura t'u nënshtrohet trajtimeve më të specializuara, në mënyrë që t'i japin asaj dhe një shans për të jetuar.