Kryemadhi: Rama, përdorues i certifikuar i substancave sintetike

Gazeta Shqiptare - - Konflikti -

Kryetarja

e Lëvizjes Socialiste për Integrim u ësh të përgjigjur dje me të njëjtën mënyrë deklaratave të kryeministrit Edi Rama, ku i fundit e ka konsideruar si "doktoreshë". Gjatë një konference për mediat nga selia e LSI- së, Kryemadhi ka theksuar se grupe të ndryshme shoqërore, siç janë studentët, pedagogët e përfaqësuesit e institucioneve të drejtësisë gjenden sot përballë sjelljes jo normale të kryeministrit Rama. "Pedagogët janë përballë një të sëmuri, krimineli që pasi shkatërroi institucionet, policinë, gjykatat e prokuroritë për të fshehur krerët e policive që kanabizuan vendin, duhet të kuptojnë se shumë shpejt do të shkatërrojë edhe universitetin", - tha Kryemadhi. Ajo e akuzoi Ramën si një përdorues i rregullt i drogave të ndryshme dhe sjelljen e tij, produkt të efektit të tyre. "Përdorues i certifikuar i produkteve, nga faza organike në fazën e substancave sintetike është në situatë shumë të rëndë psiqike dhe klinike. E them si doktoreshë që jam, por nëse nuk më beson mua, të pyesë pedagogët që i ka anëtarë të PS. Kryeministri ynë është në efektin për gjithë jetën ndaj këtyre izotopeve, thirrje mjekëve që janë të PS dhe deputetëve mjekë në grupin e PS të marrin fatet në dorë, se jo vetëm fatet e vendit, por edhe të fëmijëve të tyre janë në dorë të një të sëmuri psikik. Peng i krimit të organizuar është edhe peng i substancave sintetike", u shpreh Kryemadhi. Kryetarja e LSI- së sulmoi edhe DSKI- në se "është kthyer në një dyqan gjobash dhe në një institucion falsifikues të certifikatave të sigurisë".

Newspapers in Albanian

Newspapers from Albania

© PressReader. All rights reserved.