Këshilli i Ambasadorëve, kundër Ramës: Cakaj s'ka cilësitë e duhura
"Ky lloj kontestimi, i pashembullt në 29 vjet"
Pjesë e debatit për em rin e ri të ministrit të Jashtëm janë bërë edhe ambasadorët. Nëpërmjet një deklarate të përbashkët, Këshilli i Ambasadorëve shpreh shqetësimin e tij për cilësitë jo të duhura që përfaqëson kandidatura e Gent Cakajt për të qenë në një detyrë të rëndësishme si ajo e ministrit të Jashtëm. Sipas ambasadorëve, kandidatura e përzgjedhur nga Rama për të emëruar ministër të Jashtëm Cakajn ka ngjallur një shqetësim të madh në një pjesë të gjerë të opinionit publik, përfshirë edhe shumicën e anëtarëve të këtij këshilli. Sipas tyre, ky kontestim nuk është hasur asnjëherë përgjatë këtyre 29 vjetëve demokraci për çdo ministër tjetër të emëruar në këtë post. "Këshilli i Ambasadorëve Shqiptarë vëren se kandidatura e përzgjedhur nga kryeministri Rama për të emëruar ministër për Europën dhe Punët e Jashtme. Zoti Gent Cakaj ka ngjallur një shqetësim të madh në një pjesë të gjerë të opinionit publik, përfshirë edhe shumicën e anëtarëve të këtij këshilli. Ky lloj kontestimi, i pashembullt për asnjë nga ministrat e Jashtëm të Republikës së Shqipërisë gjatë këtyre 29 vjetëve demokraci, mbështetet në perceptimin publik të personalitetit të zotit Cakaj si pacilësitë e nevojshme profesionale për të mbajtur barrën e një detyre të tillë më rëndësi kombëtare", - thuhet në deklaratën e Këshillit të Ambasadorëve. Ndaj nisur pikërisht nga ky perceptim dhe shqetësim që ka ngjallur emri i Cakajt, ky këshill i sugjeron kryeministrit Rama që të propozojë një emër tjetër të denjë për një pozicion kaq të rëndësishëm, sidomos për një periudhë ku Shqipërinë e presin vendime të rëndësishme, siç është edhe ai për çeljen e negociatave me BEnë. "Këshilli i Ambasadorëve Shqiptarë i tërheq vëmendjen kryeministrit Rama ta rivlerësojë kandidaturën e ministrit në fjalë, duke mbajtur më mirë parasysh interesin publik dhe kombëtar", - thuhet më tej në këtë deklaratë. Nga ana tjetër, ata e
PËR BUSHATIN
"Këshilli i Ambasadorëve Shqiptarë tërheq vëmendjen me shqetësim te fakti se kryeministri nuk ka kryer detyrimin e tij kushtetues për të bërë transparencën mbi arsyet që e kanë shtyrë atë të shkarkojë posaçërisht ministrin për Europën dhe Punët e Jashtme".