Rasti "Cakaj", Basha: U cenua siguria kombëtare dhe e NATO- s

Kreu i PD- së kërkon hetim nga Kuvendi për DSIK, Ramën, Bushatin, Cakajn dhe SHISH "Skandali, po hetojmë mënyrat e përfshirjes"

Kreu i opozitës, Lulzim Basha, apeloi dje për hetimin e paligjshmërisë me DSIK, në rastin e zëvendësministrit të Jashtëm, Genti Cakaj. Pas kërkesës së Presidentit Ilir Meta për hetim parlamentar të DSIK, kreu i PD- së njoftoi se opozita ka nisur punën për të hetuar të gjithë mënyrat si është dhënë certifikata e sigurisë për Gent Cakaj. "Hetim parlamentar për DSIK, kryeministrin Rama, Ditmir Bushatin, Gent Cakajn dhe SHISH për dhunimin e ligjit që cenon sigurinë e informacionit sekret dhe që cenon sigurinë e vendit", theksoi z. Basha. Paralelisht me kreun e shtetit edhe opozita kërkon ngritjen e një komisioni hetimor parlamentar për Drejtorinë e Sigurisë së Informacionit të Klasifikuar dhe çështjen e ministrit të Jashtëm të propozuar, Gent Cakaj. Pak minuta pasi presidenti publikoi kërkesën për hetim, kryetari i PD, Basha deklaroi se opozita insiston në zbardhjen e plotë të kësaj çështjeje. I pyetur lidhur me kërkesën e Presidentit Meta për hetimin e DSIK, Basha deklaroi: "Nuk jam në dijeni të kërkesës së presidentit, por që prej publikimit dje të dekretit të presidentit, ashtu siç bëra publike dhe në emisionin ' Opinion', kemi nisur punën për të hetuar në të gjitha format e mënyrat duke përfshirë dhe hetimin parlamentar, përgjegjësitë e DSIK- së, zv. ministrit Cakaj, ministrit Bushati, kryeministrit Rama dhe Shërbimit Informativ të Shtetit në dhunimin e ligjit për informacionin e klasifikuar sekret në Republikën e Shqipërisë dhe pasojat që kjo ka për sigurinë kombëtare dhe sigurinë e NATO- s", tha z. Basha. Një gjë të tillë kreu i PD- së e paralajmëroi edhe dy ditë më parë në emisionin "Opinion". "Dhe pikërisht në këtë kohë, një nga hallkat, natyrisht jo më të forta të Aleancës, një vend i cili është përfolur për problematikë në mbrojtjen e sekretit shtetëror, propozon për ministër të Jashtëm, ministri më kryesor i NATO- s, sepse të mos harrojmë, NATO është një aleancë politikoushtarake, jo ushtarako- politike, një person i cili ka neg-