Ngujimi në fakultete, policia ushtron dhunë ndaj studentëve të Ekonomikut
Arkitektura dhe Inxhinieria e Ndërtimit brenda godinës, ngelin pa ushqime Publikohet video, polici kap prej fyti të riun
Shumë studentë të uni versiteteve publike në vend, vazhdojnë të ngujuar në fakultete deri në plotësimin e kërkesave të tyre. Ata kanë bojkotuar mësimin e theksojnë se qëndresa e tyre do të vazhdojë. Por protesta në Fakultetin Ekonomik, mëngjesin e djeshëm, është shoqëruar me tensione të shumta ( madje edhe konfrontime fizike) mes të rinjve e Policisë së Shtetit. Kjo e fundit ka tërhequr zvarrë disa prej studentëve madje në një video të publikuar, një prej policëve shfaqet tepër agresiv dhe madje ka arritur deri aty sa ka kapur prej fyti një djalë të ri. "Lëshoje, mos, lëshoje",- dëgjohen thirrjet e studentëve në video ndërkohë që policia iu thotë të hapin derën. Edhe në Fakultetin Juridik, studentët vazhdojnë të ngujuar brenda godinës e shprehen se nuk do të heqin dorë. "Këtu do të rrimë! Nuk mund të na ndalojë askush, universiteti është i yni. Qeveria të plotësojë kërkesat tona, janë më se të qarta dhe lehtësisht të arritshme. Ne nuk tërhiqemi, nuk do të dorëzohemi në dorën e oligarkëve që qeverisin këtë vend. Arsimi na përket ne dhe brezave pas nesh, edhe Shqipëria është e jona. Mjaft më!",- thotë një studente e Fakultetit Juridik për ' Gazeta Shqiptare'.
NGUJIMI TE ARKITEKTURA
Mbrëmjen e djeshme, shumë studentë të Fakultetit të Arkitekturës dhe Urbanistikës si dhe ata të Inxhinierisë së Ndërtimit janë ngujuar brenda godinës duke kërkuar plotësimin e 9 kërkesave të tyre. "Studentë të fakulteteve të ndryshme janë ngujuar në fakultetet përkatëse. Tani në fakultetin e arkitekturës e urbanistikës dhe fakultetin e inxhinierisë së ndërtimit ka studentë të ngujuar brenda. Studentëve të këtyre fakulteteve i janë bashkuar edhe studentë nga Universiteti Politeknik i Tiranës për solidarizim",- thotë studentja e arkitekturës për ' GSH'. Më tej studentët tregojnë se admin- istratori dhe kancelari i fakultetit nuk i lejon studentët të kenë hyrje- dalje nga godina, çka i pengon edhe të ushqehen. "Administratori dhe kancelari i fakultetit nuk lejon që të ketë hyrje dalje të studentëve në godinë kështu po pengohen studentët për t'u ushqyer e po shtyhen në grevë urie. Opsioni tjetër që ata na ofrojnë është të largohemi të gjithë studentët e fakulteteve të inxhinierive të tjera dhe të qëndrojnë vetëm studentet e FAU, FIN, duke dhënë emrat e tyre. Kjo gjë është shumë e dyshimtë, sepse nuk dihet se për çfarë do përdoren ato emra, pra me të dy opsionet e tyre po ushtrojnë presion ndaj nesh",- bën me dije për ' Gazeta Shqiptare' një tjetër studente. Ndërkohë studentët e fakultetit të Teknologjisë së Informacionit bëjnë me dije se policia private ka izoluar totalisht godinën dhe nuk lejojnë hyrjen e studentëve. "Godinën tonë ( Fakulteti i Teknologjisë së Informacionit) e kanë izoluar plotësisht kështu që kemi ardhur tek shokët tani me qënë se na bashkon i njëjti universitet. Por di të them diçka me siguri: Ne nuk tërhiqemi!",- thekson studentja e TIK për GSH.
Njoftim për shitje me ankand