Studentët e universitetit "Luarasi" i bashkohen fushatës së dhurimit të gjakut
Et'hem Ruka: Të kontribuojmë të gjithë së bashku. Pedagogu: Dhurimi i gjakut, akt human 16 vite bashkëpunim me Kryqin e Kuq Shqiptar
Edhe këtë vit, studentët e Universitetit "Luara si" janë solidarizuar dhe i janë bashkuar nismës së dhurimit të gjakut, në bashkëpunim me Kryqin e Kuq Shqiptar. Që prej themelimit në vitin 2003, ky institucion i arsimit të lartë ka treguar një sensibilizim maksimal për t'i ardhur në ndihmë personave që kanë nevojë për gjak. Prej dy ditësh, holli i "Luarasi- t" është shndërruar në një qendër dhurimi gjaku ku të rinjtë kanë shfaqur interes të lartë për të dhënë kontributin e tyre. Rektori i këtij universiteti, prof. dr. Et'hem Ruka, i bën thirrje të gjithë studentëve që t'i bashkohen fushatës së dhurimit të gjakut. "Dhurimi i gjakut në universitetin ' Luarasi' është kthyer në një traditë, që nga themelimi i ' Luarasit' e deri më sot nuk ka patur asnjë vit që studentët dhe pedagogët e këtij institucioni të arsimit të lartë të mos jenë përfshirë në këtë iniciativë. Të dhurosh gjak është një shenjë e lartë solidariteti njerëzor për të ndihmuar njerëzit në nevojë. Pa dyshim ka më shumë nevojë për vullnetarë. Do t'u bëja thirrje të gjithë rinisë universitare, jo vetëm të ' Luarasit' që të përfshihen në këtë iniciativë",theksoi Ruka në fjalën e tij.
STAFI AKADEMIK
Nën sloganin "Dhuro gjak, shpëto një jetë", radhëve të studentëve i është bashkuar edhe stafi akademik e administrativ i "Luarasi". Pedagogu i Fakultetit të Drejtësisë në këtë universitet, Ernest Balili thekson se dhurimi i gjakut është një akt human për të ndihmuar sadopak njerëzit që kanë nevojë. "Në spital e në vende të tjera ka njerëz të cilët janë në nevojë dhe duhet t'i ndihmojmë ata. Kjo më shtyn që gjithmonë të jem i gatshëm të dhuroj gjak. Nuk është hera e parë. Dhurimi i gjakut është diçka humane në radhë të parë, por dhe diçka sensibilizuese për studentët, pedagogët
e më gjerë",- tha pedagogu.
TRADITA 16VJEÇARE
Universiteti "Luarasi" vazhdon të ndjekë traditën për nxitjen e vlerave humane te studentët. Nëpërmjet ak-
APELI
Të dhurosh gjak është një shenjë e lartë solidariteti njerëzor për të ndihmuar njerëzit në nevojë. Pa dyshim ka më shumë nevojë për vullnetarë. Do t'u bëja thirrje të gjithë rinisë universitare, jo vetëm të ' Luarasit' që të përfshihen në këtë iniciativë.",theksoi Ruka në fjalën e tij.
teve të tilla, ky institucion dëshmon edhe njëherë se do të përgatisë jo vetëm profesionistë lider në tregun e punës, por edhe qytetarë model në shoqërinë shqiptare.