Rama replikon me presidentin: Je pengmarrës i Kushtetutës
"Gjykata e re do i japë fund maskaradës"
Përplasjet mes Presi dentit Ilir Meta dhe kryeministrit Edi Rama vazhdojnë të jenë prezente prej ditësh lidhur me kandidaturën e Gent Cakajt si ministër i Jashtëm. Disa orë, pasi kreu i shtetit, deklaroi se Ministria e Jashtme nuk është një autoshkollë, ku ustai i madh kërkon të mësojë ' gjeniun' si të ndryshojë kufijtë e të gjithë Ballkanit Perëndimor", Rama i është kundërpërgjigjur duke thënë se "Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktoreshës së Shkencave". "Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktoreshës së Shkencave. Gjykata e re Kushtetuese do t'i japë fund kësaj maskarade, ndërsa vëmendja jonë do jetë e gjitha te njerëzit e zero te çizmet", - u shpreh kreu i qeverisë. Reagimit të kryeministrit Rama, në përgjigje të Presidentit Meta në vijim te replikave te ashpra për mosdekretimin e Gent Cakajt si ministër të Jashtëm, "se nuk do të merret me një pengmarrës", iu përgjigj këshilltari i kreut të shtetit. Tedi Blushi i kujtoi Ramës se "Nuk ka komision garancish statutore që ndalon Presidentin e Republikës të ushtrojë kompetencat e tij të qarta kushtetuese për emërim e shkarkim ministrash". "Nuk ka komision garancish statutore që ndalon Presidentin e Republikës të ushtrojë kompetencat e tij të qarta kushtetuese për emërim e shkarkim ministrash. Duhet të jetë e qartë për pengmarrësin e Reformës në Drejtësi: Aksioni për rivendosjen e plotë të rendit kushtetues e ligjshmërisë nuk ndalet!", deklaroi z. Blushi. Edhe dy ditë më parë Kryeministri Edi Rama bëri akuza të forta ndaj Ilir Metës në studion e emisionit "Zonë e Lirë"
EDI RAMA
"Mos prisni të merrem më me një pengmarrës të Kushtetutës në zyrën e Presidentit, i cili është katandisur në çizme rezervë e Doktorreshës së Shkencave. Gjykata e re Kushtetuese do t'i japë fund kësaj maskarade, ndërsa vëmendja jonë do jetë e gjitha te njerëzit e zero te çizmet" shprehet z. Rama.