Meta- Ramës: Ministria e Jashtme jo autoshkollë siç do ustai
Presidenti: S'do e lejoj të ndryshojë të gjithë kufijtë e Ballkanit Perëndimor! "PS- ja ka plot emra për kryediplomat"
Presidenti i Republikës Ilir Meta vijoi dje rep likat në distancë me kryeministrin Rama në lidhje refuzimin e dekretimit të Gent Cakajt në krye të diplomacisë shqiptare dhe faktin nëse ai ka shkelur ligjin sa i takon pajisjes me certifikate sigurie për zyrtare të këtij niveli. Kreu i shtetit në postimin e tij në ' Facebook' shkruan se Ministria për Europën dhe Punët e Jashtme të Shqipërisë nuk mund të kthehet në autoshkollë. Meta e quan Ramën në mënyrë ironike Usta dhe Gent Cakajn një "gjeni" që sipas presidentit kërkon të ndryshojë të gjithë kufijtë e të gjithë Ballkanit Perëndimor. Meta shton se PS- ja ka plot emra, diplomatë të sprovuar e me eksperiencë për këtë post para se të propozojë emra që më shumë janë autoshkollë. "Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë ku ustai i madh kërkon të mësojë "gjeniun" si të ndryshojë kufijtë e të gjithë Ballkanit Perëndimor. Partia Socialiste ka kapacitete të jashtëzakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla e ndryshimit të kufijve në gjithë Ballkanin Perëndimor. Shqipëria do jetë gjithmonë faktor paqe e stabiliteti në rajon. Shqipëria do ketë një lidership të besueshëm edhe në kryesimin e OSBEsë. SHQIPËRIA E PARA", shprehet kreu i shtetit Ilir Meta. Dy ditë më parë Presidenti Ilir Meta kërkoi ngritjen e Komisionit Hetimor Parlamentar për hetimin e veprimtarisë së Drejtorisë së Sigurimit të Informacionit të Klasifikuar ( DSIK). Në një letër drejtuar kreut të Kuvendit, Gramoz Ruçi dhe krerëve të grupeve parlamentare, Meta ka kërkuar që të hetohet dhënia e certifikatës së sigurisë për Gent Cakajn, i cili është pajisur nga DSIK gjatë një dite. Meta duke u ndalur tek informacioni i grumbulluar për Cakajn para se të vendoste refuzimin e dekretimit të këtij të fundit si ministër të Jashtëm, shprehet se zv/ ministri edhe ka refuzuar për një periudhë 7 mujore marrjen e certifikatës së sigurisë nga ana e DSIK. Certifikatë që është dhënë 3 ditë pasi kryeministri Rama e propozoi si ministër të Jashtëm. "Nisur nga fakti që Drejtoria e Sigurimit të Informacionit të Klasifikuar është një institucion në varësi të
DEKRETI
Presidenti Meta firmosi dje dekretin për dhënien e gradës madhore
"Gjeneral Brigade", Ndriçim Reshit Sallaku. "Kolonel Ndriçim Reshit Sollaku me detyrë "Atashe Ushtarak i Republikës së Shqipërisë në
Republikën e Turqisë", jo rezident në shtetin e Izraelit, Republikën e Azerbajxhanit dhe në Gjeorgji" i jepet grada "Gjeneral Brigade" - thuhet në dekretin e Metës.
drejtpërdrejtë të Kryeministrit, është e qartë se procesi i hetimit administrativ nuk mund të kryhet nga organe të tjera në varësi të Kryeministrit, pasi krijohet një situatë e pastër e konfliktit të interesit, gjë e cila mund të cenojë objektivitetin dhe cilësinë e hetimit të këtij rasti, Presidenti i Republikës, vlerëson se, për rastin konkret, Kuvendi i Shqipërisë mund të realizojë objektivisht këtë proces hetimor. Shpreh besimin se Kuvendi i Shqipërisë do të përmbushë me për- gjegjësinë dhe seriozitetin e një institucioni, vend anëtar i NATOs, angazhimet e tij në shqyrtimin e kësaj çështjeje të rëndësishme për vendin tonë dhe përgjegjësitë e tij kombëtare dhe ndërkombëtare", është shprehur z. Meta.