Basha- Ramës: Mos nxit konflikt civil, gati përballja totale
Kreu i PD: Marku të hetojë skandalet e qeverisë, zyrtarët e PS në vjedhjen e votave "Po përgatitet ritenderimi i Unazës"
Kreu i opozitës Lulzim Basha i bërë thirrje dje kryeministrit Edi Rama të ndalë dhunën ndaj studentëve protestues, duke e paralajmëruar atë se çdo veprim tjetër në këtë drejtim do ta shtyjë vendin drejt një konflikti civil. Para gazetarëve, Basha foli në emër të popullit ndërsa paralajmëroi se sjellja e qeverisë po ciklon një konflikt civil në vend. Sipas tij qeveria ka rënë, ndërsa e cilësoi të pa pranueshme ndërhyrjen e policë për të mos lejuar protestën e studentëve në universitetet, i kërkuar prokurorisë të nis hetime. "Ndal menjëherë represionin ndaj studentëve të ngujuar në protestën e tyre të ligjshme në ambientet universitare. Ndal menjëherë dhunën psikike e fizike të tyre. Jepi fund bllokimit të futjes së ushqimit dhe ujit në ambientet universitare ku po zhvillohet protestë europiane. Çdo shtyrje e mëtejshme do shtyjë vendin drejt një konflikti civil me pasoja të paparashikueshme", tha z. Basha. Krahas drejtimit të protestave dhe nxitjes së revoltës popullore për largimin e qeverisë, Basha paralajmëroi se opozita do të zhvillojë dhe betejë brenda institucioneve përfshirë kuvendin. "Beteja do të jetë totale në të gjitha dimensionet protesta do na shohë ne në krah dhe në krye të gjithë grupimeve qytetare dhe kauzave të tyre, siç kemi bërë ne sot",- u shpreh z. Basha.
' UNAZA'
Teksa numëroi skandalet e qeverisë, Basha u ndal edhe tek projekti i Unazës së Madhe, për të cilën tha se kjo megaaferë po ritenderohet sërish. Ai paralajmëroi se edhe tenderi i ri po manipulohet. Basha i bëri thirrje prokurorisë të nisë pa asnjë vonesë hetimet se ku kanë shkuar lekët e taksapaguasve shqiptarë që kanë përpirë këto kompani dhe zyrtarët përkatës. "Për dy ditë është denoncuar se si jo vetëm shteti ishte në dijeni, po ishte pjesëmarrëse në procesin e falsifikimit. I vetmi person që ka fuqi të detyrojë agjencinë e prokurimit të kryejë një procedurë me letra false, është kryeministri i vendit Edi Rama. Hetimet për Ramën, Gjiknurin e Qëndron duhet të kishin nisur prej kohësh. Heshtja e prokurorisë e bën atë bashkëfajtore e bashkësh-
kelëse të ligjit. Sot çdo shqiptar e ka të qartë se pse një vit më parë u emëruar Arta Marku. Kjo i vë kapakun pyetjes ku ka përfunduar reforma në drejtësi për Ramën Gjiknurin e përfituesit e këtij tenderi korruptiv do të veprojë paketa antimafia", theksoi z. Basha. Dy ditë më parë Neës24 denoncoi hije dyshimi në tenderin e ri për unazën e madhe. Përmes dokumenteve ku shihej se një nga kriteret është kërkesa për kapacitete e mjeteve dhe makinerive që operatorët duhet të disponojnë për të marr pjesë në këtë procedurë. Në piken 13 për
mjetet e punës kërkohet një autovinç me kapacitet mbi 450 ton.
DENONCIMI
Kreu i opozitës denoncoi edhe një tjetër skandal që sipas tij po tentohet të mbyllet nga organi i akuzës; ai për çështjen Bajraj, ku Basha tha se janë konstatuar zyrtarë të lartë shtetërorë dhe socialistë të përfshirë në blerjen e votave. "Edhe ky është rast për të nënvizuar se si është gremisur drejtësia shqiptare që në momentin që Edi Rama ka kapur prokurorinë dhe përmes prokurorëve të kapur po mundohet të ndalë tre he-
time kryesore në shitblerjen e votës: Atë të 20 milionë eurove të Saimir Tahirit dhe të grupit "Habilaj"; Dosjen e famshme "339", ku kanë dalë si maja e ajsbergut deri më sot Vangjush Dako në bashkëpunim me grupin e Avdylajve; Dosjen e Dibrës, ku Damian Gjiknuri dhe hierarkë të lartë socialist janë përfshirë drejtpërdrejt në manipulimin, shitblerjen e votës dhe përdorimin e paligjshëm të Policisë së Shtetit në zgjedhjet e shtatorit 2016- të. Dhe tashmë edhe aferën e grupit kriminal të Bajrajve, i cili është kontraktuar, kontaktuar dhe përdorur nga politikanë të lartë socialistë së fundmi në zgjedhjet e vitit 2017- të", u shpreh z. Basha. Po dje Basha reagoi ashpër duke bërë përgjegjës shtetin dhe institucionet për braktisjen e qytetarëve, të cilët prej ditësh, tha se qëndrojnë të izoluar për shkak të rrugëve të bllokuara nga dëbora.