Moti i keq shënon viktimën e dytë në vend, gjendet i vdekur 65- vjeçari nga Korça

Bie intensiteti i reshjeve të dëborës, ja akset problematike

Gazeta Shqiptare - - Opozita -

Një

tjetër person ka humbur jetën, ndërsa dyshohet se shkak është bërë moti i keq. Bëhet fjalë për Vasil Matin, i cili u gjet dje i pajetë në fshatin Çiflig të Korçës nga një banor i zonës. Mendohet se ai po shkonte në këmbë drejt Manastirit të Çifligut ku punonte si roje. Mësohet se bashkëshortja e viktimës kishte nisur të kërkonte për të, pasi nuk i përgjigjej në celular. Mjeko- ligjorët konstatuan se Vasil Mati kishte humbur jetën nga ataku kardiak si pasojë e temperaturave të ulëta. 65vjeçari është viktima e dytë si pasojë e motit të keq. Javën e kaluar, një tjetër person ishte gjetur i pajetë në rrugë për shkak të kushteve atmosferike. Ndërkaq,

AKSIDENTI NË DURRËS

Një aksident i rëndë me pasojë dy të vdekur ka ndodhur mbrëmë në qytetin e Durrësit, përkatësisht tek rruga e re e ish- Kënetës në lagjen nr. 17. Mësohet se viktimat janë dy gra dhe konkretisht Bukurie Cufaj 56 vjeçe dhe Sabije Cufaj 38 vjeçe. Sabija është nusja e djalit të viktimës tjetër. Sipas bluve, ato janë përplasur pranë një karburanti nga një automjet tip "BMW" që drejtohej nga një 22- vjeçar, i cili është ndaluar.

reshjet e dëborës e kanë ulur intensitetin. Akset kryesore rrugore të vendit janë të kalueshme. Por në zona të thella malore, dëbora po i mban të bllokuara rrugët e disa fshatrave. Në Jug, lëvizja e makinave bëhet pa zinxhir. Ndërsa në Veri ka probleme në disa rrugë të Kukësit e Dibrës. Sipas ARRSH- së, aksi KukësBushtricë kalohet pjesërisht

me zinxhir, ndërsa DomajDraj Reç vetëm me zinxhir. Në Dibër zinxhirët janë të domosdoshëm në rrugët KubenVasije, Peshkopi- Qafë Drajë, Ura Çerenecit- Steblevë, Qafë Bualli- Krastë, Burrel- Komsi dhe Bulqizë- Fushë Bulqizë, ku erëra të forta e grumbullojnë borën në rrugë. Ministrja e Mbrojtjes, Olta Xhaçka, që ishte në këtë rajon ga- rantoi monitorim të të gjitha rrugëve dhe të kompanive që janë kontraktuar për mirëmbajtjen e tyre. Në Elbasan, në rrugën Librazhd- Steblevë rekomandohet përdorimi i zinxhirëve pasi në vendin e quajtur Shkalla e Lunikut, ku ka akull në trashësi të konsiderueshme. Në njësinë administrative Orenjë, ekipet e OSHEE - së janë shpërndarë në terren për të riparuar dëmet e shkaktuara nga moti. Shtabi i Emergjencave i erdhi në ndihmë një emergjencë mjekësore në fshatin Dorës. Ministrja e Shëndetësisë, Ogerta Manastirliu ishte në Komsi të Burrelit, ku garantoi gatishmërinë e stafit mjekësor për t'iu përgjigjur nevojave të qytetareve në këto dite të vështira. Në Krujë, tre fshatra të malësisë janë të bllokuara. Në Parkun Kombëtar të Qafë Shtamës duhen përdorur zinxhirët. Herë pas here këto zona kanë probleme me energjinë elektrike, pasi dëmtohen linjat elektrike nga erërat e forta.

Newspapers in Albanian

Newspapers from Albania

© PressReader. All rights reserved.