"Unaza", pas vinçit zbulohet një tjetër kriter diskriminues në tender
Operatorët e biznesit ankohen: Ka hapësira për një aferë korruptive "News 24" zbardh kërkesën e çuditshme nga ARRSH
Zbulohet një tjetër kriter diskriminues për tenderin e Unazës së Madhe. Dy ditë pas publikimit të kriterit absurd për vinçin 450 tonë, "News 24" zbulon një tjetër kërkesë të çuditshme nga Autoriteti Rrugor Shqiptar. Bëhet fjalë për shkallën e licencës që ARRSH u kërkon operatorëve në garë. Në një nga pikat përcaktohet që firma që do marrë pjesë në tender të ketë kryer punime me impiante dhe linja telefonike, por të jetë të licencës F. Kompania e cila e disponon këtë licencë presupozohet të ketë kryer punime me vlerën mbi 4 mld lekë. Ky kriter e bën të detyrueshëm që kompania duhet të ketë përvojë të jashtëzakonshme që ka të bëjë me shtrimin e kabllove, por jo për ndërtimin e rrugëve. Lidhur me skandalin e Unazës së Madhe, banorët e "Astirit", të cilët preken nga projekti prej më shumë se dy muajsh vijojnë protestat të pandërprera. Pas publikimit nga "News 24" të skandalit për vinçin 450 tonë, kryetari i opozitës, Lulzim Basha kërkoi anulimin e tenderit dhe i cilësoi kërkesa qesharake kriteret e vendosura. Data 14 janar është afati i fundit për dorëzimin e dokumenteve nga operatorët, të cilët do të marrin pjesë në garë. Pritet që këtë të hënë në orën 10 të bëhet edhe hapja e zarfeve me oferta për të parë se cilat kompani janë në garë.
KRITERI I VINÇIT
Pas dështimit të kontratës mes bashkimit të kompanive "Biba X" dhe "DH Albania" për shkak të skandalit të falsifikimit të dokumenteve nga ana e firmës mëmë të "DH Albania", "Dunwell Haberman", Autoriteti Rrugor Shqiptar ka rihapur në 13 dhjetor garën për të njëjtin segment të Unazës së Madhe. Në shpalljen e parë njësia e prokurimit publik kishte vendosur kritere ligjore që ishin haptazi në shkelje të ligjit. Por, ajo që bie në sy edhe në rihapjen e garës së dytë, kriteret e vendosura nga prokurimet duket se përcaktojnë që në fillim operatorin fitues dhe lënë hapësirë sërish për afera korruptive. "News 24" ka zbuluar dokumentin ku shihet se një nga këto kritere është kërkesa për kapacitete e mjeteve dhe makinerive që operatorët duhet të disponojnë për të marrë pjesë në këtë procedurë. Lidhur me këtë kërkesë rezulton se makineritë e kërkuara nuk janë në raport me zërat e punimeve që parashikohen të kryhen. Në pikën 13, për mjetet e punës kërkohet një autovinç me kapacitet mbi 450 tonë. Por, sipas subjekteve që kërkojnë të marrin pjesë në garë, në preventivin e punimeve te zëri i punës thuhet se nga ana teknike për të tërhequr trarë me gjatësi 34
VINÇI
Pas dështimit të kontratës mes bashkimit të kompanive "Biba X" dhe "DH Albania" për shkak të skandalit të falsifikimit të dokumenteve nga ana e firmës mëmë të "DH Albania", "Dunwell Haberman", Autoriteti Rrugor Shqiptar ka rihapur në 13 dhjetor garën për të njëjtin segment të Unazës së Madhe. Në shpalljen e parë njësia e prokurimit publik kishte vendosur kritere ligjore që ishin haptazi në shkelje të ligjit.
metra linear që do të përdoren për projektin do të mjaftonte një autovinç me një kapacitet deri në 210 tonë. Këtu lindin edhe dyshimet e operatorëve për një garë sipas tyre jotransparente. Burime nga Drejtoria e Përgjithshme e Transportit Rrugor thonë për "News 24" se në vendin tonë një mjet i tonazhit me kapacitet 450 tonë nuk gjendet. Sipas po të njëjtave burime, mjeti më i rëndë që ka hyrë në doganat shqiptare është vetëm 10 tonë, por që nuk dihet kapaciteti mbajtës i tij, pasi dogana regjistron vetëm peshën e mjetit dhe jo kapacitetin. Ky kriter thonë operatorët jo vetëm vështirëson pjesëmarrjen në garë, por duket që në fillim se përcakton dhe fituesin e garës. Kërkesa e prokurimeve për një mjet me kapacitet 450 tonë duket absurde, pasi sipas ekspertëve, tërheqja e trarëve prej 34 metra linearë që do të përdoren për lotin e parë të Unazës së Madhe mund të realizohet edhe me një vinç me një kapacitet maksimumi deri në 210 tonë. Atëherë lindin pyetjet se cila është arsyeja e kërkesës për vinça të tonazhit më të rëndë sesa nevoja për realizimin e veprave të artit në lotin e parë të Unazës së Madhe, nga pallati me shigjeta deri tek rreth- rrotullimi i sheshit "Shqiponja"? Pse njësia e prokurimit vendos kritere diskriminuese, të cilat dëmtojnë konkurrencën dhe pengojnë operatorët ekonomikë të interesuar të marrin pjesë në garë?
FIRMA FANTAZME
Kompania amerikane "Dunwell Haberman" nuk ka fituar vetëm garën për ndërtimin e një pjese të Unazës së Re, për 18 milionë euro pa TVSH, por më 31 tetor 2018 është shpallur fituese edhe e një tenderi tjetër, për ndërtimin e një pjese të linjës 220 kv BurrelPeshkopi, për një vlerë prej afro
11.7 milionë eurosh.