VENDIMET
Prej disa ditësh, shumë prej studentëve të uni versiteteve publike në kryeqytet janë ngujuar brenda godinave të fakulteteve të tyre deri në plotësimin e 9 kërkesave që i kanë drejtuar qeverisë. Ata nuk tërhiqen dhe vazhdojnë të qëndrojnë të vendosur, pavarësisht konfrontimeve me policinë, administratorët e fakulteteve dhe presioneve të shumta që kanë marrë këto ditë. Sipas studentëve, deri më tani të rinjtë janë ngujuar brenda Fakultetit Ekonomik, Juridik, Shkencave Sociale, Fakultetit të Shkencave në Universitetin e Tiranës. Kësaj forme proteste i janë bashkuar edhe studentët e Arkitekturës, Mjekësisë, Politeknikut dhe Bujqësorit. "Jam student në Universitetin Politeknik të Tiranës, dega Mekatronikë, në vitin e tretë. Unë nuk jam një nga koordinatorët e fakulteteve, por kam qenë pjesëmarrës në protestë që ditën e parë të nisjes së saj. Deri tani janë ngujuar studentë në disa fakultete të Tiranës, të Universitetit Bujqësor, të Universitetit të Mjekësisë, Arkitekturës, Shkencave Sociale, Ekonomikut dhe Fakultetit të Shkencave të Natyrës", - thotë për "Gazeta Shqiptare", studenti Franc Ribaj. Ky i fundit shton se deri më tani nuk kanë vendosur ende se sa do të zgjasë kjo qëndresë dhe cilat do të jenë hapat e mëtejshëm. "Qëndresa në fakultete nuk e dimë sa do të zgjasë, sepse disa fakultete po e vendosin vetë kohën me anë të koordinatorëve. Ngujimi ka disa të mira, pasi studentët po njihen me njëri- tjetrin, po dalin nga ajo paranoja e partive dhe po fillojnë të organizohen në tërësi. Nga ana tjetër, ka mungesë ushqimesh dhe batanijesh. Do ua dinim shumë për nder në qoftë se qytetarët e Tiranës do të na ndihmonin. Përsa i përket vijueshmërisë, nuk dihet, ende kështu që momentalisht mund të themi akoma ' bojkot të mësimit'", - thekson Ribaj për "GSH".
VENDIMI I STUDENTËVE
Mbrëmjen e djeshme, qindra studentë nga universitete të ndryshme janë mbledhur në godinën e Fakultetit Ekonomik të Universitetit të Tiranës dhe kanë vendosur që bojkoti i mësimit të vazhdojë edhe në ditët në vijim. Kanë qenë rreth 200 studentë që fillimisht janë mbledhur te dera e këtij fakulteti dhe i kanë detyruar rojet që të hapin derën për t'u futur në ambientet e godinës për të bërë mbledhje. Rojet e policisë