Francë, vala e 9 e protestave sjell kaos në vend
Shtrihet përleshja e "jelekëverdhëve" me policinë deri në Strasburg Manifestuesit kërkojnë dorëheqjen e Macron
franceze tha se manifestuesit e dhunshëm duhet të dënohen. "Qeveria është pro plotësimit të ligjit. Të miratohet një ligj i ri, që do të sanksiononte ata që nuk respektojnë rregullat dhe marrin pjesë në manifestime të panjoftuara. Sot është kundravajtje të vish në protestë me fytyrë të mbuluar, nesër duhet të jetë një krim. Në shumë qytete protestat kanë qenë paqësore, por ne nuk mund të lejojmë njerëz që vijnë për të thyer e për të djegur", tha Philippe. Kryeministri njoftoi se mbi 80 mijë forca policore do të angazhohen në protestat e ardhshme, më shumë se 5 mijë prej tyre vetëm në Paris. Që prej fillimit të protestave nga të ashtuquajturit "jelekë të verdhë", 5600 persona janë shoqëruar në polici për akte dhune, ndërsa janë regjistruar edhe disa viktima në aksidente rrugore si pasojë e bllokimit të rrugëve. Akti i tetë i "jelekëve të verdhë" në Francë, i pari për vitin 2019, u shoqërua nga protesta të dhunshme, përleshje me forcat e policisë dhe djegie makinash e biznesesh. Ndryshe nga manifestimet e kaluara, fuqia kryesore e protestuesve u përqendrua në brigjet e Senës, ku u dogjën lokale e sende të tjera. Protestuesit lëshuan gurë mbi policinë, që u kundërpërgjigj me gaz lotsjellës. Më shumë se 100 persona u arrestuan, ndërsa numri total i protestuesve në të gjithë Francën ishte mbi 25 mijë. "Jelekët e verdhë" protestojnë kundër reformave të presidentit Emmanuel Macron, që i cilësojnë të papërballueshme. Shefi i Elizesë bëri lëshime duke rritur pagën minimale dhe hequr disa taksa, por për protestuesit, kjo ishte e pamjaftueshme. Në Francë, rreth 43,000 njerëz mbetën pa punë për shkak të protestave të "xhaketave të verdha" që filluan më 17 nëntor. Sipas Ministrisë së Ekonomisë, shumë kompani kanë pësuar dëme të mëdha materiale për shkak të protestave të vazhdueshme. Dëmet që i janë shkaktuar shtetit vlerësohen të jenë rreth 28 milionë euro. Gjatë protestës, 10 persona vdiqën dhe rreth 1,000 u plagosën, ndërkaq u arrestuan rreth 4.340. Protestat antiqeveritare të "jelekëverdhëve" kanë ndikuar më së shumti në rënien e nivelit të rritjes ekonomike si dhe mungesën e sigurisë së bizneseve. Lëvizja e "jelekëverdhëve" mban emrin sipas xhaketave të sigurisë, të cilat duhet t'i posedojnë të gjithë shoferët në Francë. Protestat filluan në mesin e nëntorit dhe u nxitën nga një rritje e tarifës për karburante.