Aksident në një minierë , 21 të vdekur në Kinë
Të paktën 21 minatorë kanë vdekur pas shembjes së një miniere qymyrguri në veri të Kinës, sipas asaj që shkruajnë mediat shtetërore kineze. Sipas televizionit shtetëror dhe agjencisë së shtypit "Xinhua", sksidenti ka ndodhur dje në Shenmu, në provincën e Shaanxi, pika kryesore e nxjerrjes së qymyrgurit në vend. Rreth 66 punëtorë të tjerë të minierës arritën të shpëtohen, ka bërë të ditur qeveria në një deklaratë për shtyp. Numri i viktimave për shkak të shpërthimeve dhe shkatërrimeve në minierat kineze është zvogëluar së tepërmi në dhjetë vitet e fundit, por kjo industri mbetet akoma një nga më vdekjeprurëset në botë.