Shkëmbi: Firmos për vendin e tretë, por...
Bregdetarët janë aktivë në merkato. Bullgari Vasiliev duket pranë firmës, por priten edhe elementë të tjerë Trajneri i Teutës nuk i vendos vetes limite këtë sezon
për 150 mijë euro në Bjellorusi, tashmë janë vënë në kërkim të një sulmuesi për ta zëvendësuar afrikanin. Teuta është një skuadër që prodhon raste goli dhe Shkëmbi ka nevojë për një sulmues që të njohë portën, ndaj kandidatura e bullgarit Vasiliev duket e përshtatshme. Gjithsesi, trajneri nuk jep emra, po as nuk i vë vetes limite, teksa thotë se pret më shumë se një sulmues në këtë merkato dimërore. "Nuk do të ishte korrekte nëse do të përmendja emra. E rëndësishme është që sa më shpejt të mbyllim një sulmues, ndoshta edhe dy, për të qenë gati për kampionatit. Mund të ketë përforcime edhe në ndonjë repart tjetër, sigurisht nëse do të ketë cilësitë e duhura". Sezoni i Teutës është vërtet i jashtëzakonshëm. Hera e fundit që durrsakët kanë qenë pretendentë ndodhte në sezonin 2011- 2012 dhe në ndeshjet e fundit të sezonit u desh t'i dorëzohen Skënderbeut. Kështu, duke parë historinë e afërt, Shkëmbi deklaron me modesti se do të ishte i kënaqur edhe me vendin e tretë, por natyrisht që nuk mund ta mohojë se kur mungojnë dhe 18 ndeshje nga fundi i kampionatit, gjërat mund të ndryshojnë. "Patjetër që do të firmosja, por e di shumë mirë, ndoshta si futbollist dhe jo si trajner, që llogaritë bëhen në fund, jo pas dy fazave. Kemi bërë diçka të mirë deri tani", përfundon trajneri i Teutës, Bledi Shkëmbi.