Rama i ofron rinovimin, Gega vendos kushte

dy ditësh, pranë skuadrës në Antalia ka shkuar edhe drejtori i përgjithshëm i Partizanit,

Olsi Rama. Nga sa mësohet, ky i fundit ka biseduar me trajnerin Gega edhe për rinovimin e kontratës. Siç dihet, kreu i pankinës së kuqe kishte firmosur për 6 muaj me të drejtë rinovimi, ndërsa pas përfundimit të pjesës së parë të sezonit, ku Partizani u shpall kampion dimri, drejtori deklaroi publikisht se Gegës do t'i vendosej një letër e bardhë për të zgjatur marrëveshjen. Mësohet se trajneri ka paraqitur një projekt për vazhdimësinë, që tashmë duhet të gjejë mbështetjen e klubit. Por palët në këtë moment po diskutojnë njëkohësisht edhe për merkaton, teksa Rama ka siguruar Gegën se do të afrohen ata lojtarë që ka kërkuar. I pari që duket se ka kënaqur trajnerin është afrimi i qendërmbrojtësit kosovar, Lum Rexhepi, i cili pritet të prezantohet zyrtarisht këto ditë.