Rama bojkoton ceremoninë e betimit, ministrat e rinj marrin detyrën
Në Presidencë, qeverinë e përfaqësoi Engjell Agaçi
Një ditë pas votimit në Kuvend, 7 ministrat e rinj dhe zëvendëskryeministri kanë marrë dje zyrtarisht detyrën. Ndryshe nga sa ndodhi me fazën e shqyrtimit të emërimeve para se të nxirrte dekretet, Presidenti i Republikës, Ilir Meta nuk ka vonuar të organizojë ceremoninë e betimit, duke i hapur rrugë kështu marrjes së detyrës nga ana e ministrave të rinj.
BETIMI
Dje rreth mesditës, ai ka pritur në Presidencë 8 prurjet e reja në qeveri në një ceremoni solemne, ku binte në sy mungesa e kryeministrit Edi Rama. Ndonëse bëhej fjalë për ndryshimin e më shumë se gjysmës së qeverisë së tij, kryeministri nuk ishte i pranishëm në momentin e betimit të ministrave të rinj. Nga qeveria, i pranishëm ishte vetëm sekretari i përgjithshëm i Këshillit të Ministrave, Engjell Agaçi, ndërsa nga Kuvendi, nënkryetarja Vasilika Hysi. Fillimisht Presidenti Meta ka përshëndetur personalisht secilin prej ministrave të rinj dhe më pas i ka ftuar ata që të betohen me dorën mbi Kushtetutë. I pari ka qenë zëvendëskryeministri, Erjon Braçe dhe më pas gjithë ministrat e rinj, të cilëve iu dorëzua edhe dekreti i emërimit në këtë detyrë të re.
MARRJA E DETYRËS
Fill pas betimit, qeveria ka organizuar edhe procesin e kalimit të stafetës nga ministrat e larguar te ministrat e rinj. E pari që ka organizuar ceremoninë kalimit të detyrës ka qenë Ministria e Infrastrukturës dhe Energjisë, ku Damian Gjiknuri i ka kaluar detyrën ministres së re Belinda Balluku. Gjiknuri në fjalën e tij nuk i kurseu batutat, ndërsa u shpreh se i gjithë fjalimi i mbajtur ishte me ' fjalë zemre'. "Unë do e thërras shkurt Bela, gjej rastin t'i uroj suksese në këtë punë të vështirë, sfiduese, por edhe interesante, falënderoj stafin. Kaluam me rezultate, por edhe dështime, se edhe ato janë pjesë e jetës. Bela
8-
njihet me një pjesë prej jush, sfidat sjellin sfida të reja. Jam i bindur se Bela i ka mundësitë, kapacitetin dhe vullnetin që këto nisma t'i çojë përpara. I kam thënë mua do më kesh këshilltar për çdo gjë, kyçi i punës këtu është të inkurajosh stafin, të
bashkëpunosh me stafin", - tha Gjiknuri. Ndërsa ministrja e re, Belinda Balluku theksoi se do e çojë punën dhe reformat edhe më tej. "Sigurish unë vij nga brenda kësaj ministrie, kam drejtuar një sektor të rëndësishëm si navigimi ajror.
MUNGESA
Ndonëse bëhej fjalë për ndryshimin e më shumë se gjysmës së qeverisë së tij, kryeministri nuk ishte i pranishëm në momentin e betimit të ministrave të rinj. Nga qeveria i pranishëm ishte vetëm sekretari i përgjithshëm i
Këshillit të Ministrave, Engjell Agaçi, ndërsa nga Kuvendi, nënkryetarja Vasilika Hysi.
Vlerësoj punën që keni bërë, Damiani dhe jam këtu për të vazhduar atë që ka nisur. Absolutisht besoj se gjëja më e mirë për t'u bërë është mbyllja e punëve të nisura si kantiereve që janë hapura", - tha Balluku. Më pas ishte radha e Senida Mesit që t'i kalonte detyrën Erion Braçes, nëpërmjet një ceremonie të organizuar në ambientet e godinës së Këshillit të Ministrave. Braçe nuk i përmbajti dot emocionet, ndërsa u shpreh se e kishte të vështirë të fliste si anëtarë i qeverisë, duke qenë se gjithmonë ka qenë pjesë e legjislativit. "E kam të vështirë të flas nga kjo anë e bulevardit", - tha Braçe. Një ceremoni e ngjashme u zhvillua më pas edhe në Ministrinë e Financave dhe Ekonomisë, ku Arben Ahmetaj i dorëzoi detyrën ministres së re, Anila Denaj.